نہ آسماں سے نہ دشمن کے زور و زر سے ہوا
یہ معجزہ تو مرے دست بے ہنر سے ہوا

Na aasmaan se na dushman ke zor-o-zar se hua
Ye mo'jiza to mere dast-e-be-hunar se hua

न आसमाँ से न दुश्मन के ज़ोर-ओ-ज़र से हुआ
ये मोजिज़ा तो मिरे दस्त-ए-बे-हुनर से हुआ

قدم اٹھا ہے تو پاؤں تلے زمیں ہی نہیں
سفر کا رنج ہمیں خواہش سفر سے ہوا

Qadam utha hai to paaon tale zameen hi nahin
Safar ka ranj hamein khwahish-e-safar se hua

क़दम उठा है तो पाँव तले ज़मीं ही नहीं
सफ़र का रंज हमें ख़्वाहिश-ए-सफ़र से हुआ

میں بھیگ بھیگ گیا آرزو کی بارش میں
وہ عکس عکس میں تقسیم چشم تر سے ہوا

Main bheeg bheeg gaya aarzoo ki baarish mein
Woh aks aks mein taqseem chashm-e-tar se hua

मैं भीग भीग गया आरज़ू की बारिश में
वो अक्स अक्स में तक़्सीम चश्म-ए-तर से हुआ

سیاہی شب کی نہ چہروں پہ آ گئی ہو کہیں
سحر کا خوف ہمیں آئینوں کے ڈر سے ہوا

Siyahi shab ki na chehron pe aa gayi ho kahin
Sahar ka khauf hamein aainon ke dar se hua

सियाही शब की न चेहरों पे आ गई हो कहीं
सहर का ख़ौफ़ हमें आईनों के डर से हुआ

کوئی چلے تو زمیں ساتھ ساتھ چلتی ہے
یہ راز ہم پہ عیاں گرد رہ گزر سے ہوا

Koi chale to zameen saath saath chalti hai
Ye raaz hum pe 'ayaan gard-e-rahguzar se hua

कोई चले तो ज़मीं साथ साथ चलती है
ये राज़ हम पे अयाँ गर्द-ए-रहगुज़र से हुआ

ترے بدن کی مہک ہی نہ تھی تو کیا رکتے
گزر ہمارا کئی بار یوں تو گھر سے ہوا

Tere badan ki mahak hi na thi to kya rukte
Guzar hamara kai baar yun to ghar se hua

तिरे बदन की महक ही न थी तो क्या रुकते
गुज़र हमारा कई बार यूँ तो घर से हुआ

کہاں پہ سوئے تھے امجدؔ کہاں کھلیں آنکھیں
گماں قفس کا ہمیں اپنے بام و در سے ہوا

Kahan pe soye the Amjad kahan khulein aankhein
Gumaan qafas ka hamein apne baam-o-dar se hua

कहाँ पे सोए थे अमजद कहाँ खुलीं आँखें
गुमाँ क़फ़स का हमें अपने बाम-ओ-दर से हुआ