رمق ایک جان وبال ہے کوئی دم جو ہے تو عذاب ہے
دل داغ گشتہ کباب ہے جگر گداختہ آب ہے

Ramaq ek jaan wabaal hai koi dam jo hai to azaab hai
Dil daagh gashta kabaab hai jigar gudaakhta aab hai

रमक़ एक जान वबाल है कोई दम जो है तो अज़ाब है
दिल दाग़ गश्ता कबाब है जिगर गुदाख़्ता आब है

مری خلق محو کلام سب مجھے چھوڑتے ہیں خموش کب
مرا حرف رشک کتاب ہے مری بات لکھنے کا باب ہے

Miri khalq mahv kalaam sab mujhe chhodte hain khamosh kab
Mura harf rashk kitaab hai miri baat likhne ka baab hai

मिरी ख़ल्क़ मह्व कलाम सब मुझे छोड़ते हैं ख़मोश कब
मुरा हर्फ़ रश्क किताब है मिरी बात लिखने का बाब है

جو وہ لکھتا کچھ بھی تو نامہ بر کوئی رہتی منہ میں ترے نہاں
تری خامشی سے یہ نکلے ہے کہ جواب خط کا جواب ہے

Jo woh likhta kuchh bhi to naama-bar koi rehti munh mein tire nihaan
Tiri khaamishi se yeh nikle hai ke jawaab khat ka jawaab hai

जो वो लिखता कुछ भी तो नामा-बर कोई रहती मुँह में तिरे निहाँ
तिरी ख़ामोशी से यह निकले है कि जवाब ख़त का जवाब है

رہے حال دل کا جو ایک سا تو رجوع کرتے کہیں بھلا
سو تو یہ کبھو ہمہ داغ ہے کبھو نیم سوز کباب ہے

Rahe haal-e-dil ka jo ek sa to rujoo' karte kahin bhala
So to yeh kabhu hama-daagh hai kabhu neem-soz kabaab hai

रहे हाल-ए-दिल का जो एक सा तो रुजूअ करते कहीं भला
सो तो यह कभू हमा-दाग़ है कभू नीम-सोज़ कबाब है

کہیں گے کہو تمہیں لوگ کیا یہی آرسی یہی تم سدا
نہ کسو کی تم کو ہے ٹک حیا نہ ہمارے منہ سے حجاب ہے

Kahenge kaho tumhein log kya yahi aarsi yahi tum sada
Na kisu ki tum ko hai tuk haya na hamaare munh se hijaab hai

कहेंगे कहो तुम्हें लोग क्या यही आरसी यही तुम सदा
न किसू की तुम को है टुक हया न हमारे मुँह से हिजाब है

چلو میکدے میں بسر کریں کہ رہی ہے کچھ برکت وہیں
لب نا توواں کا کباب ہے دم آب واں کا شراب ہے

Chalo maikade mein basar karein ke rahi hai kuchh barkat wahin
Lab-e-na-tawaan ka kabaab hai dam-e-aab waan ka sharaab hai

चलो मैकदे में बसर करें कि रही है कुछ बरकत वहीं
लब-ए-ना-तवाँ का कबाब है दम-ए-आब वाँ का शराब है

نہیں کھلتیں آنکھیں تمہاری ٹک کہ مآل پر بھی نظر کرو
یہ جو وہم کی سی نمود ہے اسے خوب دیکھو تو خواب ہے

Nahin khultin aankhein tumhaari tuk ke ma'aal par bhi nazar karo
Yeh jo vahm ki si namood hai ise khoob dekho to khwaab hai

नहीं खुलतीं आँखें तुम्हारी टुक कि मआल पर भी नज़र करो
यह जो वहम की सी नमूद है इसे ख़ूब देखो तो ख़्वाब है

گئے وقت آتے ہیں ہاتھ کب ہوئے ہیں گنوا کے خراب سب
تجھے کرنا ہووے سو کر تو اب کہ یہ عمر برق شتاب ہے

Gaye waqt aate hain haath kab hue hain ganwa ke kharaab sab
Tujhe karna howe so kar to ab ke yeh umr barq-shitaab hai

गए वक़्त आते हैं हाथ कब हुए हैं गँवा के ख़राब सब
तुझे करना होवे सो कर तो अब कि यह उम्र बर्क़-शिताब है

کبھو لطف سے نہ سخن کیا کبھو بات کہہ نہ لگا لیا
یہی لحظہ لحظہ خطاب ہے وہی لمحہ لمحہ عتاب ہے

Kabhu lutf se na sukhan kiya kabhu baat keh na laga liya
Yahi lahza lahza khitaab hai wohi lamha lamha itaab hai

कभू लुत्फ़ से न सुख़न किया कभू बात कह न लगा लिया
यही लहज़ा लहज़ा ख़िताब है वोही लम्हा लम्हा इताब है

تو جہاں کے بحر عمیق میں سر پر ہوا نہ بلند کر
کہ یہ پنج روزہ جو بود ہے کسو موج پر کا حباب ہے

Tu jahaan ke bahr-e-ameeq mein sar par hawa na buland kar
Ke yeh panj-roza jo bood hai kisu mauj par ka hubaab hai

तू जहाँ के बहर-ए-अमीक़ में सर पर हवा न बुलंद कर
कि यह पंज-रोज़ा जो बूद है किसू मौज पर का हुबाब है

رکھو آرزو مئے خام کی کرو گفتگو خط جام کی
کہ سیاہ کاروں سے حشر میں نہ حساب ہے نہ کتاب ہے

Rakho aarzoo-e-mai-e-khaam ki karo guftagoo khatt-e-jaam ki
Ke siyaah-kaaron se hashr mein na hisaab hai na kitaab hai

रखो आरज़ू-ए-मय-ए-ख़ाम की करो गुफ़्तगू ख़त्त-ए-जाम की
के सियाह-कारों से हश्र में न हिसाब है न किताब है

مرا شور سن کے جو لوگوں نے کیا پوچھنا تو کہے ہے کیا
جسے میرؔ کہتے ہیں صاحبو یہ وہی تو خانہ خراب ہے

Mura shor sun ke jo logon ne kiya poochhna to kahe hai kya
Jise 'Meer' kehte hain saahibo yeh wohi to khaana-kharaab hai

मुरा शोर सुन के जो लोगों ने किया पूछना तो कहे है क्या
जिसे 'मीर' कहते हैं साहिबो यह वोही तो ख़ाना-ख़राब है