سنا ہے حال ترے کشتگاں بیچاروں کا
ہوا نہ گور گڑھا ان ستم کے ماروں کا

Suna hai haal tere kushtagaan bechaaron ka
Hua na gor garha un sitam ke maaron ka

सुना है हाल तिरे कुश्तगाँ बेचारों का
हुआ न गोर गढ़ा उन सितम के मारों का

ہزار رنگ کھلے گل چمن کے ہیں شاہد
کہ روزگار کے سر خون ہے ہزاروں کا

Hazaar rang khile gul chaman ke hain shaahid
Ke rozgaar ke sar khoon hai hazaaron ka

हज़ार रंग खिले गुल चमन के हैं शाहिद
कि रोज़गार के सर ख़ून है हज़ारों का

ملا ہے خاک میں کس کس طرح کا عالم یاں
نکل کے شہر سے ٹک سیر کر مزاروں کا

Mila hai khaak mein kis kis tarah ka aalam yaan
Nikal ke shehar se tuk sair kar mazaaron ka

मिला है ख़ाक में किस किस तरह का आलम याँ
निकल के शहर से टुक सैर कर मज़ारों का

عرق فشانی سے اس زلف کی ہراساں ہوں
بھلا نہیں ہے بہت ٹوٹنا بھی تاروں کا

Araq-fishaani se us zulf ki haraasaan hoon
Bhala nahin hai bahut tootna bhi taaron ka

अरक़-फ़िशानी से उस ज़ुल्फ़ की हरासाँ हूँ
भला नहीं है बहुत टूटना भी तारों का

علاج کرتے ہیں سودائے عشق کا میرے
خلل پذیر ہوا ہے دماغ یاروں کا

Ilaaj karte hain sauda-e-ishq ka mere
Khalal-pazeer hua hai dimaagh yaaron ka

इलाज करते हैं सौदा-ए-इश्क़ का मेरे
ख़लल-पज़ीर हुआ है दिमाग़ यारों का

تری ہی زلف کو محشر میں ہم دکھا دیں گے
جو کوئی مانگے گا نامہ سیاہ کاروں کا

Teri hi zulf ko mahshar mein hum dikha denge
Jo koi maange ga naama siyaah-kaaron ka

तिरी ही ज़ुल्फ़ को महशर में हम दिखा देंगे
जो कोई माँगेगा नामा सियाह-कारों का

خراش سینۂ عاشق بھی دل کو لگ جائے
عجب طرح کا ہے فرقہ یہ دل فگاروں کا

Kharaash seena-e-aashiq bhi dil ko lag jaaye
Ajab tarah ka hai firqa yeh dil-figaaron ka

ख़राश सीन-ए-आशिक़ भी दिल को लग जाए
अजब तरह का है फ़िर्क़ा यह दिल-फ़िगारों का

نگاہ مست کے مارے تری خراب ہیں شوخ
نہ ٹھور ہے نہ ٹھکانا ہے ہوشیاروں کا

Nigaah-e-mast ke maare teri kharaab hain shokh
Na thaur hai na thikaana hai hoshiyaaron ka

निगाह-ए-मस्त के मारे तिरी ख़राब हैं शोख़
न ठौर है न ठिकाना है होशियारों का

کریں ہیں دعویٰ خوش چشمی آہوان دشت
ٹک ایک دیکھنے چل ملک ان گنواروں کا

Karein hain daawa-e-khush-chashmi aahuwaan-e-dasht
Tuk ek dekhne chal mulk un ganwaaron ka

करें हैं दावा-ए-ख़ुश-चश्मी आहवान-ए-दश्त
टुक एक देखने चल मुल्क उन गँवारों का

تڑپ کے مرنے سے دل کے کہ مغفرت ہو اسے
جہاں میں کچھ تو رہا نام بے قراروں کا

Tadap ke marne se dil ke ke maghfirat ho use
Jahaan mein kuch to raha naam be-qaraaron ka

तड़प के मरने से दिल के कि मग़फ़िरत हो उसे
जहाँ में कुछ तो रहा नाम बे-क़रारों का

تڑپ کے خرمن گل پر کبھی گر اے بجلی
جلانا کیا ہے مرے آشیاں کے خاروں کا

Tadap ke khirman-e-gul par kabhi gir ae bijli
Jalaana kya hai mere aashiyaan ke khaaron ka

तड़प के ख़िर्मन-ए-गुल पर कभी गिर ऐ बिजली
जलाना क्या है मिरे आशियाँ के ख़ारों का

تمہیں تو زہد و ورع پر بہت ہے اپنے غرور
خدا ہے شیخ جی ہم بھی گناہ گاروں کا

Tumhein to zohd-o-wara par bahut hai apne ghuroor
Khuda hai sheikh ji hum bhi gunaah-gaaron ka

तुम्हें तो ज़ोह्द-ओ-वरअ पर बहुत है अपने ग़ुरूर
ख़ुदा है शैख़ जी हम भी गुनाह-गारों का

اٹھے ہے گرد کی جا نالہ گور سے اس کی
غبار میرؔ بھی عاشق ہے نے سواروں کا

Uthe hai gard ki ja naala gor se us ki
Ghubaar Mir bhi aashiq hai nai sawaaron ka

उठे है गर्द की जा नाला गोर से उस की
ग़ुबार 'मीर' भी आशिक़ है नै सवारों का