چمن میں گل نے جو کل دعوی جمال کیا
جمال یار نے منہ اس کا خوب لال کیا

Chaman mein gul ne jo kal dawa-e-jamaal kiya
Jamaal-e-yaar ne munh iska khoob laal kiya

चमन में गुल ने जो कल दावा-ए-जमाल किया
जमाल-ए-यार ने मुंह इसका खूब लाल किया

فلک نے آہ تری رہ میں ہم کو پیدا کر
برنگ سبزۂ نورستہ پائمال کیا

Falak ne aah teri rah mein hum ko paida kar
Barang-e-sabza-e-naurasta paaymaal kiya

फलक ने आह तेरी राह में हम को पैदा कर
बरंग-ए-सब्ज़ा-ए-नौरस्ता पायमाल किया

رہی تھی دم کی کشاکش گلے میں کچھ باقی
سو اس کی تیغ نے جھگڑا ہی انفصال کیا

Rahi thi dam ki kashmakash gale mein kuch baaqi
So iski tegh ne jhagda hi in'fisaal kiya

रही थी दम की कशमकश गले में कुछ बाक़ी
सो इसकी तेग़ ने झगड़ा ही इनफ़िसाल किया

مری اب آنکھیں نہیں کھلتیں ضعف سے ہمدم
نہ کہہ کہ نیند میں ہے تو یہ کیا خیال کیا

Meri ab aankhen nahin khultin za'af se hamdam
Na keh ki neend mein hai tu ye kya khayal kiya

मेरी अब आँखें नहीं खुलतीं ज़ुअफ़ से हमदम
ना कह कि नींद में है तू ये क्या ख़याल किया

بہار رفتہ پھر آئی ترے تماشے کو
چمن کو یمن قدم نے ترے نہال کیا

Bahaar-e-rafta phir aayi tere tamashe ko
Chaman ko yumn-e-qadam ne tere nihaal kiya

बहार-ए-रफ़्ता फिर आई तेरे तमाशे को
चमन को युम्न-ए-क़दम ने तेरे निहाल किया

جواب نامہ سیاہی کا اپنی ہے وہ زلف
کسو نے حشر کو ہم سے اگر سوال کیا

Jawaab-naama siyaahi ka apni hai woh zulf
Kasu ne hashar ko hum se agar sawaal kiya

जवाब-नामा सियाही का अपनी है वो ज़ुल्फ़
कसू ने हश्र को हम से अगर सवाल किया

لگا نہ دل کو کہیں کیا سنا نہیں تو نے
جو کچھ کہ میرؔ کا اس عاشقی نے حال کیا

Laga na dil ko kahin kya suna nahin tu ne
Jo kuch ki Mir ka is aashiqi ne haal kiya

लगा ना दिल को कहीं क्या सुना नहीं तू ने
जो कुछ कि मीर का इस आशिक़ी ने हाल किया