لہو میں رنگ لہرانے لگے ہیں
زمانے خود کو دہرانے لگے ہیں

Lahu mein rang lehrane lage hain
Zamaane khud ko dohrane lage hain

लहू में रंग लहराने लगे हैं
ज़माने ख़ुद को दोहराने लगे हैं

پروں میں لے کے بے حاصل اڑانیں
پرندے لوٹ کر آنے لگے ہیں

Paron mein le ke be-haasil udaanein
Parinde laut kar aane lage hain

परों में ले के बे-हासिल उड़ानें
परिन्दे लौट कर आने लगे हैं

کہاں ہے قافلہ باد صبا کا
دلوں کے پھول مرجھانے لگے ہیں

Kahaan hai qaafila baad-e-saba ka
Dilon ke phool murjhane lage hain

कहाँ है क़ाफ़िला बाद-ए-सबा का
दिलों के फूल मुरझाने लगे हैं

کھلے جو ہم نشینوں کے گریباں
خود اپنے زخم افسانے لگے ہیں

Khule jo ham-nasheenon ke garebaan
Khud apne zakhm afsaane lage hain

खुले जो हम-नशीनों के गरेबाँ
ख़ुद अपने ज़ख़्म अफ़साने लगे हैं

کچھ ایسا درد تھا بانگ جرس میں
سفر سے قبل پچھتانے لگے ہیں

Kuch aisa dard tha baang-e-jaras mein
Safar se qabl pachhtaane lage hain

कुछ ऐसा दर्द था बाँग-ए-जरस में
सफ़र से क़ब्ल पछताने लगे हैं

کچھ ایسی بے یقینی تھی فضا میں
جو اپنے تھے وہ بیگانے لگے ہیں

Kuch aisi be-yaqeeni thi fiza mein
Jo apne the woh begaane lage hain

कुछ ऐसी बे-यक़ीनी थी फ़िज़ा में
जो अपने थे वो बेगाने लगे हैं

ہوا کا رنگ نیلا ہو رہا ہے
چمن میں سانپ لہرانے لگے ہیں

Hawa ka rang neela ho raha hai
Chaman mein saanp lehrane lage hain

हवा का रंग नीला हो रहा है
चमन में साँप लहराने लगे हैं

فلک کے کھیت میں کھلتے ستارے
زمیں پر آگ برسانے لگے ہیں

Falak ke khet mein khilte sitaare
Zameen par aag barsaane lage hain

फ़लक के खेत में खिलते सितारे
ज़मीं पर आग बरसाने लगे हैं

لب زنجیر ہے تعبیر جن کی
وہ سپنے پھر نظر آنے لگے ہیں

Lab zanjeer hai taabeer jin ki
Woh sapne phir nazar aane lage hain

लब ज़ंजीर है ताबीर जिन की
वो सपने फिर नज़र आने लगे हैं

کھلا ہے رات کا تاریک جنگل
اور اندھے راہ دکھلانے لگے ہیں

Khula hai raat ka taareek jangal
Aur andhe raah dikhlaane lage hain

खुला है रात का तारीक जंगल
और अंधे राह दिखलाने लगे हैं

چمن کی باڑ تھی جن کا ٹھکانہ
دل شبنم کو دھڑکانے لگے ہیں

Chaman ki baad thi jin ka thikaana
Dil shabnam ko dhadkaane lage hain

चमन की बाड़ थी जिन का ठिकाना
दिल शबनम को धड़काने लगे हैं

بچانے آئے تھے دیوار لیکن
عمارت ہی کو اب ڈھانے لگے ہیں

Bachaane aaye the deewaar lekin
Imaarat hi ko ab dhaane lage hain

बचाने आए थे दीवार लेकिन
इमारत ही को अब ढाने लगे हैं

خدا کا گھر تمہیں سمجھو تو سمجھو
ہمیں تو یہ صنم خانے لگے ہیں

Khuda ka ghar tumhein samjho to samjho
Humein to yeh sanam-khaane lage hain

ख़ुदा का घर तुम्हें समझो तो समझो
हमें तो ये सनम-ख़ाने लगे हैं