لخت جگر تو اپنے یک لخت رو چکا تھا
اشک فقط کا جھمکا آنکھوں سے لگ رہا تھا

Lakht jigar to apne yak lakht ro chuka tha
Ashk faqat ka jhumka aankhon se lag raha tha

लख़्त-ए-जिगर तो अपने यक लख़्त रो चुका था
अश्क फ़क़त का झुमका आँखों से लग रहा था

دامن میں آج دیکھا پھر لخت میں لے آیا
ٹکڑا کوئی جگر کا پلکوں میں رہ گیا تھا

Daaman mein aaj dekha phir lakht mein le aaya
Tukda koi jigar ka palkon mein reh gaya tha

दामन में आज देखा फिर लख़्त में ले आया
टुकड़ा कोई जिगर का पलकों में रह गया था

اس قید جیب سے میں چھوٹا جنوں کی دولت
ورنہ گلا یہ میرا جوں طوق میں پھنسا تھا

Is qaid-e-jeb se main chhoota junoon ki daulat
Warna gala yeh mera joon tauq mein phansa tha

इस क़ैद-ए-जेब से मैं छूटा जुनूँ की दौलत
वरना गला यह मेरा जूँ तौक़ में फँसा था

مشت نمک کی خاطر اس واسطے ہوں حیراں
کل زخم دل نہایت دل کو مرے لگا تھا

Musht-e-namak ki khaatir is waaste hon hairaan
Kal zakhm-e-dil nihaayat dil ko mere laga tha

मुश्त-ए-नमक की ख़ातिर इस वास्ते हूँ हैराँ
कल ज़ख़्म-ए-दिल निहायत दिल को मेरे लगा था

اے گرد باد مت دے ہر آن عرض وحشت
میں بھی کسو زمانے اس کام میں بلا تھا

Ae gard-e-baad mat de har aan arz-e-wehshat
Main bhi kisu zamaane is kaam mein bala tha

ऐ गर्द-ए-बाद मत दे हर आन अर्ज़-ए-वहशत
मैं भी किसू ज़माने इस काम में बला था

بن کچھ کہے سنا ہے عالم سے میں نے کیا کیا
پر تو نے یوں نہ جانا اے بے وفا کہ کیا تھا

Bin kuchh kahe suna hai aalam se main ne kya kya
Par tu ne yun na jaana ae be-wafa ke kya tha

बिन कुछ कहे सुना है आलम से मैंने क्या क्या
पर तू ने यूँ न जाना ऐ बेवफ़ा कि क्या था

روتی ہے شمع اتنا ہر شب کہ کچھ نہ پوچھو
میں سوز دل کو اپنے مجلس میں کیوں کہا تھا

Roti hai shama itna har shab ke kuchh na poochho
Main soz-e-dil ko apne majlis mein kyun kaha tha

रोती है शम्अ इतना हर शब कि कुछ न पूछो
मैं सोज़-ए-दिल को अपने मज्लिस में क्यों कहा था

شب زخم سینہ اوپر چھڑکا تھا میں نمک کو
ناسور تو کہاں تھا ظالم بڑا مزہ تھا

Shab zakhm-e-seena uppar chhidka tha main namak ko
Naasoor to kahan tha zaalim bada maza tha

शब ज़ख़्म-ए-सीना ऊपर छिड़का था मैं नमक को
नासूर तो कहाँ था ज़ालिम बड़ा मज़ा था

سر مار کر ہوا تھا میں خاک اس گلی میں
سینے پہ مجھ کو اس کا مذکور نقش پا تھا

Sar maar kar hua tha main khaak is gali mein
Seene pe mujh ko us ka mazkoor naqsh-e-pa tha

सर मार कर हुआ था मैं ख़ाक इस गली में
सीने पे मुझ को उस का मज़कूर नक़्श-ए-पा था

سو بخت تیرہ سے ہوں پامالیٔ صبا میں
اس دن کے واسطے میں کیا خاک میں ملا تھا

Sau bakht-e-teera se hon paamaali-e-saba mein
Is din ke waaste main kya khaak mein mila tha

सौ बख़्त-ए-तीरा से हूँ पामाली-ए-सबा में
इस दिन के वास्ते मैं क्या ख़ाक में मिला था

یہ سر گذشت میری افسانہ جو ہوئی ہے
مذکور اس کا اس کے کوچے میں جا بجا تھا

Yeh sar-guzasht meri afsaana jo hui hai
Mazkoor is ka us ke kooche mein ja-ba-ja tha

यह सर-गुज़श्त मेरी अफ़साना जो हुई है
मज़कूर इस का उस के कूचे में जा-ब-जा था

سن کر کسی سے وہ بھی کہنے لگا تھا کچھ کچھ
بے درد کتنے بولے ہاں اس کو کیا ہوا تھا

Sun kar kisi se woh bhi kehne laga tha kuchh kuchh
Be-dard kitne bole haan us ko kya hua tha

सुन कर किसी से वो भी कहने लगा था कुछ कुछ
बे-दर्द कितने बोले हाँ उस को क्या हुआ था

کہنے لگا کہ جانے میری بلا عزیزاں
احوال تھا کسی کا کچھ میں بھی سن لیا تھا

Kehne laga ke jaane meri bala azizaan
Ahwaal tha kisi ka kuchh main bhi sun liya tha

कहने लगा कि जाने मेरी बला अज़ीज़ाँ
अहवाल था किसी का कुछ मैं भी सुन लिया था

آنکھیں مری کھلیں جب جی میرؔ کا گیا تب
دیکھے سے اس کو ورنہ میرا بھی جی جلا تھا

Aankhen meri khuleen jab ji Mir ka gaya tab
Dekhe se us ko warna mera bhi ji jala tha

आँखें मेरी खुलीं जब जी मीर का गया तब
देखे से उस को वरना मेरा भी जी जला था