ہر تماشائی فقط ساحل سے منظر دیکھتا
کون دریا کو الٹتا کون گوہر دیکھتا

Har tamashai faqat sahil se manzar dekhta
Kaun dariya ko ulatta kaun gohar dekhta

हर तमाशाई फ़क़त साहिल से मंज़र देखता
कौन दरिया को उलटता कौन गोहर देखता

وہ تو دنیا کو مری دیوانگی خوش آ گئی
تیرے ہاتھوں میں وگرنہ پہلا پتھر دیکھتا

Wo to duniya ko meri deewangi khush aa gayi
Tere haathon mein wagarna pehla patthar dekhta

वो तो दुनिया को मेरी दीवानगी ख़ुश आ गई
तेरे हाथों में वगर्ना पहला पत्थर देखता

آنکھ میں آنسو جڑے تھے پر صدا تجھ کو نہ دی
اس توقع پر کہ شاید تو پلٹ کر دیکھتا

Aankh mein aansu jade the par sada tujh ko na di
Is tawaqqo par ke shayad tu palat kar dekhta

आँख में आँसू जड़े थे पर सदा तुझ को न दी
इस तवक़्क़ो पर कि शायद तू पलट कर देखता

میری قسمت کی لکیریں میرے ہاتھوں میں نہ تھیں
تیرے ماتھے پر کوئی میرا مقدر دیکھتا

Meri qismat ki lakeeren mere haathon mein na thin
Tere maathe par koi mera muqaddar dekhta

मेरी क़िस्मत की लकीरें मेरे हाथों में न थीं
तेरे माथे पर कोई मेरा मुक़द्दर देखता

زندگی پھیلی ہوئی تھی شام ہجراں کی طرح
کس کو اتنا حوصلہ تھا کون جی کر دیکھتا

Zindagi phaili hui thi shaam-e-hijraan ki tarah
Kis ko itna hausla tha kaun jee kar dekhta

ज़िंदगी फैली हुई थी शाम-ए-हिज्राँ की तरह
किस को इतना हौसला था कौन जी कर देखता

ڈوبنے والا تھا اور ساحل پہ چہروں کا ہجوم
پل کی مہلت تھی میں کس کو آنکھ بھر کر دیکھتا

Doobne wala tha aur sahil pe chehron ka hujoom
Pal ki mohlat thi main kis ko aankh bhar kar dekhta

डूबने वाला था और साहिल पे चेहरों का हुजूम
पल की मोहलत थी मैं किस को आँख भर कर देखता

تو بھی دل کو ایک خوں کی بوند سمجھا ہے فرازؔ
آنکھ اگر ہوتی تو قطرے میں سمندر دیکھتا

Tu bhi dil ko ek khoon ki boond samjha hai Faraz
Aankh agar hoti to qatre mein samandar dekhta

तू भी दिल को एक ख़ूँ की बूँद समझा है फ़राज़
आँख अगर होती तो क़तरे में समंदर देखता