پھر اس سے طرح کچھ جو دعوے کی سی ڈالی ہے
کیا تازہ کوئی گل نے اب شاخ نکالی ہے

Phir us se tarah kuch jo dawe ki si daali hai
Kya taaza koi gul ne ab shaakh nikaali hai

फिर उस से तरह कुछ जो दावे की सी डाली है
क्या ताज़ा कोई गुल ने अब शाख़ निकाली है

سچ پوچھو تو کب ہے گا اس کا سا دہن غنچہ
تسکیں کے لیے ہم نے اک بات بنا لی ہے

Sach poochho to kab hai ga is ka sa dahan ghuncha
Taskeen ke liye hum ne ek baat bana li hai

सच पूछो तो कब है गा इस का सा दहन ग़ुंचा
तस्कीं के लिए हम ने एक बात बना ली है

دیہی کو نہ کچھ پوچھو اک بھرت کا ہے گڑوا
ترکیب سے کیا کہیے سانچے میں کی ڈھالی ہے

Dehi ko na kuch poochho ek bharat ka hai gaṛwā
arkeeb se kya kahiye saanche mein ki ḍhaali hai

देही को न कुछ पूछो एक भरत का है गड़वा
तरकीब से क्या कहिए सांचे में की ढाली है

ہم قد خمیدہ سے آغوش ہوئے سارے
پر فائدہ تجھ سے تو آغوش وہ خالی ہے

Hum qad-e-khamida se aaghosh hue saare
Par faaida tujh se to aaghosh woh khaali hai

हम क़द-ए-ख़मीदा से आग़ोश हुए सारे
पर फ़ाएदा तुझ से तो आग़ोश वो ख़ाली है

عزت کی کوئی صورت دکھلائی نہیں دیتی
چپ رہیے تو چشمک ہے کچھ کہیے تو گالی ہے

Izzat ki koi soorat dikhlaai nahin deti
Chup rahiye to chashmak hai kuch kahiye to gaali hai

इज़्ज़त की कोई सूरत दिखलाई नहीं देती
चुप रहिए तो चश्मक है कुछ कहिए तो गाली है

دو گام کے چلنے میں پامال ہوا عالم
کچھ ساری خدائی سے وہ چال نرالی ہے

Do gaam ke chalne mein paamaal hua aalam
Kuch saari khudaai se woh chaal niraali hai

दो गाम के चलने में पामाल हुआ आलम
कुछ सारी ख़ुदाई से वो चाल निराली है

ہے گی تو دو سالہ پر ہے دختر رز آفت
کیا پیر مغاں نے بھی اک چھوکری پالی ہے

Hai gi to do-saala par hai dukhtar-e-raz aafat
Kya peer-e-mughaan ne bhi ek chhokri paali hai

है गी तो दो-साला पर है दुख़्तर-ए-रज़ आफ़त
क्या पीर-ए-मुग़ां ने भी एक छोकरी पाली है

خوں ریزی میں ہم سوں کی جو خاک برابر ہیں
کب سر تو فرو لایا ہمت تری عالی ہے

Khoon-rezi mein hum soñ ki jo khaak baraabar hain
Kab sar to furo laaya himmat tiri aali hai

ख़ूँ-रेज़ी में हम सों की जो ख़ाक बराबर हैं
कब सर तो फ़रो लाया हिम्मत तिरी आली है

جب سر چڑھے ہوں ایسے تب عشق کریں سو بھی
جوں توں یہ بلا سر سے فرہاد نے ٹالی ہے

Jab sar chaṛhe hoñ aise tab ishq kareñ so bhi
Juñ tuñ yeh bala sar se Farhaad ne ṭaali hai

जब सर चढ़े हों ऐसे तब इश्क़ करें सो भी
जूं तूं यह बला सर से फ़रहाद ने टाली है

ان مغبچوں میں زاہد پھر سر زدہ مت آنا
مندیل تری اب کے ہم نے تو بچا لی ہے

Un mugh-bachoñ mein zaahid phir sar-zada mat aana
Mandeel tiri ab ke hum ne to bacha li hai

उन मुग़-बचों में ज़ाहिद फिर सर-ज़दा मत आना
मंदील तिरी अब के हम ने तो बचा ली है

کیا میرؔ تو روتا ہے پامالیٔ دل ہی کو
ان لونڈوں نے تو دلی سب سر پہ اٹھا لی ہے

Kya 'Meer' to rota hai paamaali-e-dil hi ko
Un launḍoñ ne to dilli sab sar pe uṭha li hai

क्या 'मीर' तो रोता है पामाली-ए-दिल ही को
उन लौंडों ने तो दिल्ली सब सर पे उठा ली है