نہ گنواؤ ناوک نیم کش دل ریزہ ریزہ گنوا دیا
جو بچے ہیں سنگ سمیٹ لو تن داغ داغ لٹا دیا

Na ganwao nawak-e-neem-kash, dil-e-reza reza ganwa diya
Jo bache hain sang sameit lo, tan-e-dagh dagh luta diya

न गनवाओ नावक-ए-नीम-कश, दिल-ए-रेज़ा रेज़ा गनवा दिया
जो बचे हैं संग समेट लो, तन-ए-दाग़ दाग़ लुटा दिया

مرے چارہ گر کو نوید ہو صف دشمناں کو خبر کرو
جو وہ قرض رکھتے تھے جان پر وہ حساب آج چکا دیا

Mere chara-gar ko naweed ho, saf-e-dushmanan ko khabar karo
Jo woh qarz rakhte the jaan par, woh hisab aaj chuka diya

मेरे चारा-गर को नवीद हो, सफ़-ए-दुश्मनां को ख़बर करो
जो वो क़र्ज़ रखते थे जान पर, वो हिसाब आज चुका दिया

کرو کج جبیں پہ سر کفن مرے قاتلوں کو گماں نہ ہو
کہ غرور عشق کا بانکپن پس مرگ ہم نے بھلا دیا

Karo kaj jabeen pe sar-e-kafan, mere qatilon ko guman na ho
Ke ghuroor-e-ishq ka bankpan, pas-e-marg hum ne bhula diya

करो कज जबीं पे सर-ए-कफ़न, मेरे क़ातिलों को गुमां न हो
के ग़ुरूर-ए-इश्क़ का बांकपन, पस-ए-मर्ग हम ने भुला दिया

ادھر ایک حرف کہ کشتنی یہاں لاکھ عذر تھا گفتنی
جو کہا تو سن کے اڑا دیا جو لکھا تو پڑھ کے مٹا دیا

Udhar ek harf tha kushtani, yahan lakh uzr tha guftani
Jo kaha to sun ke ura diya, jo likha to parh ke mita diya

उधर एक हर्फ़ था कुश्तनी, यहां लाख उज़्र था गुफ़्तनी
जो कहा तो सुन के उड़ा दिया, जो लिखा तो पढ़ के मिटा दिया

جو رکے تو کوہ گراں تھے ہم جو چلے تو جاں سے گزر گئے
رہ یار ہم نے قدم قدم تجھے یادگار بنا دیا

Jo ruke to koh-e-garan the hum, jo chale to jaan se guzar gaye
Rah-e-yaar hum ne qadam qadam, tujhe yaadgar bana diya

जो रुके तो कोह-ए-गरां थे हम, जो चले तो जां से गुज़र गए
राह-ए-यार हम ने क़दम क़दम, तुझे यादगार बना दिया