گونگے لبوں پہ حرف تمنا کیا مجھے
کس کور چشم شب میں ستارا کیا مجھے

Goonge labon pe harf-e-tamanna kiya mujhe
Kis kor-chashm shab mein sitaara kiya mujhe

गूँगे लबों पे हर्फ़-ए-तमन्ना किया मुझे
किस कोर-चश्म शब में सितारा किया मुझे

زخم ہنر کو سمجھے ہوئے ہے گل ہنر
کس شہر نا سپاس میں پیدا کیا مجھے

Zakhm-e-hunar ko samjhe hue hai gul-e-hunar
Kis shehr-e-na-sipaas mein paida kiya mujhe

ज़ख़्म-ए-हुनर को समझे हुए है गुल-ए-हुनर
किस शहर-ए-ना-सिपास में पैदा किया मुझे

جب حرف ناشناس یہاں لفظ فہم ہیں
کیوں ذوق شعر دے کے تماشا کیا مجھے

Jab harf-na-shanaas yahan lafz-fehm hain
Kyun zauq-e-sher de ke tamaasha kiya mujhe

जब हर्फ़-ना-शनास यहाँ लफ़्ज़-फ़हम हैं
क्यों ज़ौक़-ए-शेर दे के तमाशा किया मुझे

خوشبو ہے چاندنی ہے لب جو ہے اور میں
کس بے پناہ رات میں تنہا کیا مجھے

Khushbu hai chaandni hai lab-e-ju hai aur main
Kis be-panaah raat mein tanha kiya mujhe

ख़ुशबू है चाँदनी है लब-ए-जू है और मैं
किस बे-पनाह रात में तन्हा किया मुझे

دی تشنگی خدا نے تو چشمے بھی دے دیے
سینے میں دشت آنکھوں میں دریا کیا مجھے

Di tishnagi Khuda ne to chashme bhi de diye
Seene mein dasht aankhon mein dariya kiya mujhe

दी तिश्नगी ख़ुदा ने तो चश्मे भी दे दिए
सीने में दश्त आँखों में दरिया किया मुझे

میں یوں سنبھل گئی کہ تری بے وفائی نے
بے اعتباریوں سے شناسا کیا مجھے

Main yun sambhal gayi ke tiri be-wafaai ne
Be-aitbaariyon se shanaasa kiya mujhe

मैं यूँ सँभल गई कि तिरी बे-वफ़ाई ने
बे-ऐतबारियों से शनासा किया मुझे

وہ اپنی ایک ذات میں کل کائنات تھا
دنیا کے ہر فریب سے ملوا دیا مجھے

Woh apni ek zaat mein kul kaayenaat tha
Duniya ke har fareb se milwa diya mujhe

वो अपनी एक ज़ात में कुल कायनात था
दुनिया के हर फ़रेब से मिलवा दिया मुझे

اوروں کے ساتھ میرا تعارف بھی جب ہوا
ہاتھوں میں ہاتھ لے کے وہ سوچا کیا مجھے

Auron ke saath mera ta'aruf bhi jab hua
Haathon mein haath le ke woh socha kiya mujhe

औरों के साथ मेरा त'आरुफ़ भी जब हुआ
हाथों में हाथ ले के वो सोचा किया मुझे

بیتے دنوں کا عکس نہ آئندہ کا خیال
بس خالی خالی آنکھوں سے دیکھا کیا مجھے

Beete dinon ka aks na aainda ka khayaal
Bas khaali khaali aankhon se dekha kiya mujhe

बीते दिनों का अक्स न आइंदा का ख़याल
बस ख़ाली ख़ाली आँखों से देखा किया मुझे