ستم کی رسمیں بہت تھیں لیکن نہ تھی تری انجمن سے پہلے
سزا خطائے نظر سے پہلے عتاب جرم سخن سے پہلے

Sitam ki rasmein bahut thin lekin na thi teri anjuman se pehle
Saza khata-e-nazar se pehle atab jurm-e-sukhan se pehle

सितम की रस्में बहुत थीं लेकिन न थी तिरी अंजुमन से पहले
सज़ा ख़ता-ए-नज़र से पहले अताब जुर्म-ए-सुख़न से पहले

جو چل سکو تو چلو کہ راہ وفا بہت مختصر ہوئی ہے
مقام ہے اب کوئی نہ منزل فراز دار و رسن سے پہلے

Jo chal sako to chalo ke rah-e-wafa bahut mukhtasar hui hai
Maqam hai ab koi na manzil faraz-e-dar-o-rasan se pehle

जो चल सको तो चलो कि राह-ए-वफ़ा बहुत मुख़्तसर हुई है
मक़ाम है अब कोई न मंज़िल फ़राज़-ए-दार-ओ-रसन से पहले

نہیں رہی اب جنوں کی زنجیر پر وہ پہلی اجارہ داری
گرفت کرتے ہیں کرنے والے خرد پہ دیوانہ پن سے پہلے

Nahin rahi ab junoon ki zanjeer par wo pehli ijaradari
Girift karte hain karne wale khirad pe deewana-pan se pehle

नहीं रही अब जुनूं की ज़ंजीर पर वो पहली इज़ारादारी
गिरफ़्त करते हैं करने वाले ख़िरद पे दीवाना-पन से पहले

کرے کوئی تیغ کا نظارا اب ان کو یہ بھی نہیں گوارا
بضد ہے قاتل کہ جان بسمل فگار ہو جسم و تن سے پہلے

Kare koi tegh ka nazara ab un ko ye bhi nahin gawara
Bazid hai qatil ke jaan-e-bismil figar ho jism-o-tan se pehle

करे कोई तेग़ का नज़ारा अब उन को ये भी नहीं गवारा
बज़िद है क़ातिल कि जान-ए-बिस्मिल फ़िगार हो जिस्म-ओ-तन से पहले

غرور سرو و سمن سے کہہ دو کہ پھر وہی تاجدار ہوں گے
جو خار و خس والئ چمن تھے عروج سرو و سمن سے پہلے

Ghuroor-e-sarw-o-saman se keh do ke phir wahi tajdar honge
Jo khar-o-khas wali-e-chaman the urooj-e-sarw-o-saman se pehle

ग़ुरूर-ए-सर्व-ओ-समन से कह दो कि फिर वही ताजदार होंगे
जो ख़ार-ओ-ख़स वाली-ए-चमन थे उरूज-ए-सर्व-ओ-समन से पहले

ادھر تقاضے ہیں مصلحت کے ادھر تقاضائے درد دل ہے
زباں سنبھالیں کہ دل سنبھالیں اسیر ذکر وطن سے پہلے

Idhar taqaze hain maslahat ke udhar taqaza-e-dard-e-dil hai
Zaban sambhalein ke dil sambhalein aseer zikr-e-watan se pehle

इधर तकाज़े हैं मसलहत के उधर तकाज़ा-ए-दर्द-ए-दिल है
ज़बां संभालें कि दिल संभालें असीर ज़िक्र-ए-वतन से पहले