خوبی کا اس کی بسکہ طلب گار ہو گیا
گل باغ میں گلے کا مرے ہار ہو گیا

Khubi ka uss ki baske talabgaar ho gaya
Gul baagh mein gale ka mere haar ho gaya

ख़ूबी का उस की बसके तलबगार हो गया
गुल बाग़ में गले का मिरे हार हो गया

کس کو نہیں ہے شوق ترا پر نہ اس قدر
میں تو اسی خیال میں بیمار ہو گیا

Kis ko nahin hai shauq tera par na iss qadar
Main toh issi khayal mein beemaar ho gaya

किस को नहीं है शौक़ तिरा पर न इस क़दर
मैं तो इसी ख़याल में बीमार हो गया

میں نو دمیدہ بال چمن زاد طیر تھا
پر گھر سے اٹھ چلا سو گرفتار ہو گیا

Main nau-dameeda baal chaman-zaad tair tha
Par ghar se uth chala so giraftaar ho gaya

मैं नौ-दमीदा बाल चमन-ज़ाद तैर था
पर घर से उठ चला सो गिरफ़्तार हो गया

ٹھہرا گیا نہ ہو کے حریف اس کی چشم کا
سینے کو توڑ تیر نگہ پار ہو گیا

Thehra gaya na ho ke hareef uss ki chashm ka
Seene ko tod teer-e-nigah paar ho gaya

ठहरा गया न हो के हरीफ़ उस की चश्म का
सीने को तोड़ तीर-ए-निगह पार हो गया

ہے اس کے حرف زیر لبی کا سبھوں میں ذکر
کیا بات تھی کہ جس کا یہ بستار ہو گیا

Hai uss ke harf-e-zer-e-labi ka sabhon mein zikr
Kya baat thi ke jiss ka yeh bastaar ho gaya

है उस के हर्फ़-ए-ज़ेर-ए-लबी का सभों में ज़िक्र
क्या बात थी कि जिस का यह बस्तार हो गया

تو وہ متاع ہے کہ پڑی جس کی تجھ پہ آنکھ
وہ جی کو بیچ کر بھی خریدار ہو گیا

Tu woh mataa' hai ke padi jiss ki tujh pe aankh
Woh jee ko bech kar bhi khareedaar ho gaya

तू वो मताअ है कि पड़ी जिस की तुझ पे आँख
वो जी को बेच कर भी ख़रीदार हो गया

کیا کہیے آہ عشق میں خوبی نصیب کی
دل دار اپنا تھا سو دل آزار ہو گیا

Kya kahiye aah ishq mein khoobi naseeb ki
Dil-daar apna tha so dil-aazaar ho gaya

क्या कहिए आह इश्क़ में ख़ूबी नसीब की
दिल-दार अपना था सो दिल-आज़ार हो गया

آٹھوں پہر لگا ہی پھرے ہے تمہارے ساتھ
کچھ ان دنوں میں غیر بہت یار ہو گیا

Aathon peher laga hi phire hai tumhare saath
Kuch unn dinon mein ghair bohat yaar ho gaya

आठों पहर लगा ही फिरे है तुम्हारे साथ
कुछ उन दिनों में ग़ैर बहुत यार हो गया

کب رو ہے اس سے بات کے کرنے کا مجھ کو میرؔ
ناکردہ جرم میں تو گنہ گار ہو گیا

Kab roo hai uss se baat ke karne ka mujh ko Mir
Na-kardah jurm mein toh gunahgaar ho gaya

कब रू है उस से बात के करने का मुझ को मीर
ना-कर्दा जुर्म में तो गुनहगार हो गया