ہم مسافر یوں ہی مصروف سفر جائیں گے
بے نشاں ہو گئے جب شہر تو گھر جائیں گے

Hum musafir yun hi masroof-e-safar jayenge
Be-nishan ho gaye jab shehar to ghar jayenge

हम मुसाफ़िर यूँ ही मसरूफ़-ए-सफ़र जाएँगे
बे-निशाँ हो गए जब शहर तो घर जाएँगे

کس قدر ہوگا یہاں مہر و وفا کا ماتم
ہم تری یاد سے جس روز اتر جائیں گے

Kis qadar hoga yahan mehr-o-wafa ka maatam
Hum teri yaad se jis roz utar jayenge

किस क़दर होगा यहाँ मेहर-ओ-वफ़ा का मातम
हम तेरी याद से जिस रोज़ उतर जाएँगे

جوہری بند کئے جاتے ہیں بازار سخن
ہم کسے بیچنے الماس و گہر جائیں گے

Jauhari band kiye jaate hain bazaar-e-sukhan
Hum kise bechne almas-o-gohar jayenge

जौहरी बंद किए जाते हैं बाज़ार-ए-सुख़न
हम किसे बेचने अलमास-ओ-गौहर जाएँगे

نعمت زیست کا یہ قرض چکے گا کیسے
لاکھ گھبرا کے یہ کہتے رہیں مر جائیں گے

Nemat-e-zeest ka ye qarz chukega kaise
Lakh ghabra ke ye kehte rahein mar jayenge

नेमत-ए-ज़ीस्त का ये क़र्ज़ चुकेगा कैसे
लाख घबरा के ये कहते रहें मर जाएँगे

شاید اپنا بھی کوئی بیت حدی خواں بن کر
ساتھ جائے گا مرے یار جدھر جائیں گے

Shayad apna bhi koi bait-e-hadi-khwan ban kar
Saath jayega mere yaar jidhar jayenge

शायद अपना भी कोई बैत-ए-हदी-ख़्वान बन कर
साथ जाएगा मेरे यार जिधर जाएँगे

فیضؔ آتے ہیں رہ عشق میں جو سخت مقام
آنے والوں سے کہو ہم تو گزر جائیں گے

Faiz aate hain rah-e-ishq mein jo sakht muqam
Aane walon se kaho hum to guzar jayenge

फ़ैज़ आते हैं राह-ए-इश्क़ में जो सख़्त मुक़ाम
आने वालों से कहो हम तो गुज़र जाएँगे