بے دم ہوئے بیمار دوا کیوں نہیں دیتے
تم اچھے مسیحا ہو شفا کیوں نہیں دیتے

Be-dam huye beemar dawa kyun nahin dete
Tum achhe masiha ho shifa kyun nahin dete

बे-दम हुए बीमार दवा क्यों नहीं देते
तुम अच्छे मसीहा हो शिफ़ा क्यों नहीं देते

درد شب ہجراں کی جزا کیوں نہیں دیتے
خون دل وحشی کا صلا کیوں نہیں دیتے

Dard-e-shab-e-hijraan ki jaza kyun nahin dete
Khoon-e-dil-e-wahshi ka sila kyun nahin dete

दर्द-ए-शब-ए-हिज्रां की जज़ा क्यों नहीं देते
ख़ून-ए-दिल-ए-वहशी का सिला क्यों नहीं देते

مٹ جائے گی مخلوق تو انصاف کرو گے
منصف ہو تو اب حشر اٹھا کیوں نہیں دیتے

Mit jayegi makhlooq to insaaf karoge
Munsif ho to ab hashr utha kyun nahin dete

मिट जाएगी मख़्लूक़ तो इंसाफ़ करोगे
मुंसिफ़ हो तो अब हश्र उठा क्यों नहीं देते

ہاں نکتہ ورو لاؤ لب و دل کی گواہی
ہاں نغمہ گرو ساز صدا کیوں نہیں دیتے

Haan nukta-waro lao lab-o-dil ki gawahi
Haan naghma-garo saaz-e-sada kyun nahin dete

हां नुक्ता-वरो लाओ लब-ओ-दिल की गवाही
हां नग़्मा-गरो साज़-ए-सदा क्यों नहीं देते

پیمان جنوں ہاتھوں کو شرمائے گا کب تک
دل والو گریباں کا پتا کیوں نہیں دیتے

Paiman-e-junoon haathon ko sharmaye ga kab tak
Dil walo garebaan ka pata kyun nahin dete

पैमान-ए-जुनूं हाथों को शरमाये गा कब तक
दिल वालो गरेबां का पता क्यों नहीं देते

بربادئ دل جبر نہیں فیضؔ کسی کا
وہ دشمن جاں ہے تو بھلا کیوں نہیں دیتے

Barbadi-e-dil jabr nahin Faiz kisi ka
Woh dushman-e-jaan hai to bhala kyun nahin dete

बरबादी-ए-दिल जब्र नहीं फ़ैज़ किसी का
वो दुश्मन-ए-जां है तो भला क्यों नहीं देते