نکلے ہے جنس حسن کسی کاروان میں
یہ وہ نہیں متاع کہ ہو ہر دکان میں

Nikle hai jins-e-husn kisi karwaan mein
Yeh woh nahin mataa' ke ho har dukaan mein

निकले है जिंस-ए-हुस्न किसी कारवाँ में
ये वो नहीं मताअ कि हो हर दुकाँ में

جاتا ہے اک ہجوم غم عشق جی کے ساتھ
ہنگامہ لے چلے ہیں ہم اس بھی جہان میں

Jaata hai ik hajoom-e-gham-e-ishq jee ke saath
Hangaama le chale hain hum is bhi jahaan mein

जाता है इक हुजूम-ए-ग़म-ए-इश्क़ जी के साथ
हंगामा ले चले हैं हम इस भी जहाँ में

یا رب کوئی تو واسطہ سرگشتگی کا ہے
یک عشق بھر رہا ہے تمام آسمان میں

Ya Rab koi to waasta sargashtagi ka hai
Yak ishq bhar raha hai tamaam aasmaan mein

या रब कोई तो वास्ता सरगश्तगी का है
यक इश्क़ भर रहा है तमाम आसमान में

ہم اس سے آہ سوز دل اپنا نہ کہہ سکے
تھے آتش دروں سے پھپھولے زبان میں

Hum uss se aah soz-e-dil apna na keh sake
The aatish-e-daroon se phaphole zabaan mein

हम उस से आह सोज़-ए-दिल अपना न कह सके
थे आतिश-ए-दरूँ से फफोले ज़बाँ में

غم کھینچنے کو کچھ تو توانائی چاہیے
سو یاں نہ دل میں تاب نہ طاقت ہے جان میں

Gham kheenchnay ko kuch to tawaanaai chahiye
So yaan na dil mein taab na taaqat hai jaan mein

ग़म खींचने को कुछ तो तवानाई चाहिए
सो याँ न दिल में ताब न ताक़त है जाँ में

غافل نہ رہیو ہم سے کہ ہم وے نہیں رہے
ہوتا ہے اب تو حال عجب ایک آن میں

Ghaafil na rahiyo hum se ke hum ve nahin rahe
Hota hai ab to haal ajab ek aan mein

ग़ाफ़िल न रहियो हम से कि हम वे नहीं रहे
होता है अब तो हाल अजब एक आन में

وے دن گئے کہ آتش غم دل میں تھی نہاں
سوزش رہے ہے اب تو ہر اک استخوان میں

Ve din gaye ke aatish-e-gham dil mein thi nihaan
Sozish rahe hai ab to har ik ustukhwaan mein

वे दिन गए कि आतिश-ए-ग़म दिल में थी निहाँ
सोज़िश रहे है अब तो हर इक उस्तुख़्वाँ में

دل نذر و دیدہ پیشکش اے باعث حیات
سچ کہہ کہ جی لگے ہے ترا کس مکان میں

Dil nazr-o-deeda peshkash ae baais-e-hayaat
Sach keh ke jee lage hai tera kis makaan mein

दिल नज़्र-ओ-दीदा पेशकश ऐ बाइस-ए-हयात
सच कह कि जी लगे है तेरा किस मकाँ में

کھینچا نہ کر تو تیغ کہ اک دن نہیں ہیں ہم
ظالم قباحتیں ہیں بہت امتحان میں

Kheencha na kar tu tegh ke ik din nahin hain hum
Zaalim qabaahatein hain bahut imtihaan mein

खींचा न कर तू तेग़ कि इक दिन नहीं हैं हम
ज़ालिम क़बाहतें हैं बहुत इम्तिहाँ में

پھاڑا ہزار جا سے گریبان صبر میرؔ
کیا کہہ گئی نسیم سحر گل کے کان میں

Phaada hazaar ja se garebaan-e-sabr 'Mir'
Kya keh gayi naseem-e-sahar gul ke kaan mein

फाड़ा हज़ार जा से गरेबान-ए-सब्र 'मीर'
क्या कह गई नसीम-ए-सहर गुल के कान में