اندھیرے لاکھ چھا جائیں اجالا کم نہیں ہوتا
چراغ آرزو جل کر کبھی مدھم نہیں ہوتا

Andhere laakh chha jaayen ujaala kam nahin hota
Chiraag-e-aarzoo jal kar kabhi madham nahin hota

अंधेरे लाख छा जाएँ उजाला कम नहीं होता
चराग़-ए-आरज़ू जल कर कभी मद्धम नहीं होता

مسیحا وہ نہ ہوں تو درد الفت کم نہیں ہوتا
یہ زخم عشق ہے اس زخم کا مرہم نہیں ہوتا

Masihaa woh na hon to dard-e-ulfat kam nahin hota
Yeh zakhm-e-ishq hai is zakhm ka marham nahin hota

मसीहा वह न हों तो दर्द-ए-उल्फ़त कम नहीं होता
यह ज़ख़्म-ए-इश्क़ है इस ज़ख़्म का मरहम नहीं होता

غم جاناں کو جان جاں بنا لے دیکھ دیوانے
غم جاناں سے بڑھ کر اور کوئی غم نہیں ہوتا

Gham-e-jaanan ko jaan-e-jaan bana le dekh diwaane
Gham-e-jaanan se badh kar aur koi gham nahin hota

ग़म-ए-जानां को जान-ए-जां बना ले देख दीवाने
ग़म-ए-जानां से बढ़ कर और कोई ग़म नहीं होता

طلب بن کر مری ہر دم وہ میرے ساتھ رہتے ہیں
کبھی تنہا مری تنہائی کا عالم نہیں ہوتا

Talab ban kar meri har dam woh mere saath rehte hain
Kabhi tanha meri tanhai ka aalam nahin hota

तलब बन कर मेरी हर दम वह मेरे साथ रहते हैं
कभी तन्हा मेरी तन्हाई का आलम नहीं होता

تمہارا آستانہ چھوڑ کر آخر کہاں جاؤں
دیا ہے درد دل تم نے وہ دل سے کم نہیں ہوتا

Tumhara aastaana chhod kar aakhir kahan jaaun
Diya hai dard-e-dil tum ne woh dil se kam nahin hota

तुम्हारा आस्ताना छोड़ कर आख़िर कहाँ जाऊं
दिया है दर्द-ए-दिल तुम ने वह दिल से कम नहीं होता

مرا تن من جلا کر تو نے ظالم خاک کر ڈالا
مگر اے سوز الفت تیرا شعلہ کم نہیں ہوتا

Mera tan-man jala kar tu ne zaalim khaak kar daala
Magar ae soz-e-ulfat tera shola kam nahin hota

मेरा तन-मन जला कर तू ने ज़ालिम ख़ाक कर डाला
मगर ऐ सोज़-ए-उल्फ़त तेरा शोला कम नहीं होता

تیرے در سے مجھے اتنی محبت ہو گئی جاناں
ترے در کے علاوہ سر کہیں بھی خم نہیں ہوتا

Tere dar se mujhe itni mohabbat ho gayi jaanan
Tere dar ke alaawa sar kahin bhi kham nahin hota

तेरे दर से मुझे इतनी मोहब्बत हो गई जानां
तेरे दर के अलावा सर कहीं भी ख़म नहीं होता

بدلتی ہی نہیں قسمت محبت کرنے والوں کی
تصور یار کا جب تک فناؔ پیہم نہیں ہوتا

Badalti hi nahin qismat mohabbat karne waalon ki
Tasawwur yaar ka jab tak Fana paiham nahin hota

बदलती ही नहीं क़िस्मत मोहब्बत करने वालों की
तसव्वुर यार का जब तक फ़नाؔ पैहम नहीं होता

سمجھ لیجے کہ جذب دل میں ہے کوئی کمی باقی
اگر دیدار ان کا عشق میں ہر دم نہیں ہوتا

Samajh leeje ki jazb-e-dil mein hai koi kami baaqi
Agar deedar un ka ishq mein har dam nahin hota

समझ लीजे कि जज़्ब-ए-दिल में है कोई कमी बाक़ी
अगर दीदार उन का इश्क़ में हर दम नहीं होता