دعا کا ٹوٹا ہوا حرف سرد آہ میں ہے
تری جدائی کا منظر ابھی نگاہ میں ہے

Dua ka toota hua harf sard aah mein hai
Tiri judai ka manzar abhi nigaah mein hai

दुआ का टूटा हुआ हर्फ़ सर्द आह में है
तिरी जुदाई का मंज़र अभी निगाह में है

ترے بدلنے کے با وصف تجھ کو چاہا ہے
یہ اعتراف بھی شامل مرے گناہ میں ہے

Tire badalne ke ba wasf tujh ko chaaha hai
Yeh aiteraaf bhi shaamil mire gunaah mein hai

तिरे बदलने के बा वस्फ़ तुझ को चाहा है
यह ए'तिराफ़ भी शामिल मिरे गुनाह में है

عذاب دے گا تو پھر مجھ کو خواب بھی دے گا
میں مطمئن ہوں مرا دل تری پناہ میں ہے

Azaab dega to phir mujh ko khwaab bhi de ga
Main mutmain hoon mira dil tiri panaah mein hai

अज़ाब देगा तो फिर मुझ को ख़्वाब भी देगा
मैं मुतमइन हूँ मिरा दिल तिरी पनाह में है

بکھر چکا ہے مگر مسکرا کے ملتا ہے
وہ رکھ رکھاؤ ابھی میرے کج کلاہ میں ہے

Bikhar chuka hai magar muskura ke milta hai
Woh rakh rakhao abhi mere kaj kulaah mein hai

बिखर चुका है मगर मुस्कुरा के मिलता है
वो रख रखाओ अभी मेरे कज कुलाह में है

جسے بہار کے مہمان خالی چھوڑ گئے
وہ اک مکان ابھی تک مکیں کی چاہ میں ہے

Jise bahaar ke mehmaan khaali chhod gaye
Woh ik makaan abhi tak makeen ki chaah mein hai

जिसे बहार के मेहमान ख़ाली छोड़ गए
वो इक मकान अभी तक मकीं की चाह में है

یہی وہ دن تھے جب اک دوسرے کو پایا تھا
ہماری سال گرہ ٹھیک اب کے ماہ میں ہے

Yahi woh din the jab ik doosre ko paaya tha
Hamaari saal girah theek ab ke maah mein hai

यही वो दिन थे जब इक दूसरे को पाया था
हमारी साल गिरह ठीक अब के माह में है

میں بچ بھی جاؤں تو تنہائی مار ڈالے گی
مرے قبیلے کا ہر فرد قتل گاہ میں ہے

Main bach bhi jaaun to tanhai maar daale gi
Mire qabeele ka har fard qatl gaah mein hai

मैं बच भी जाऊँ तो तन्हाई मार डालेगी
मिरे क़बीले का हर फ़र्द क़त्ल गाह में है