عشق نشہ ہے نہ جادو جو اتر بھی جائے
یہ تو اک سیل بلا ہے سو گزر بھی جائے

Ishq nasha hai na jaadu jo utar bhi jaaye
Yeh to ik sail-e-bala hai so guzar bhi jaaye

इश्क़ नशा है न जादू जो उतर भी जाए
ये तो इक सैल-ए-बला है सो गुज़र भी जाए

تلخیٔ کام و دہن کب سے عذاب جاں ہے
اب تو یہ زہر رگ و پے میں اتر بھی جائے

Talkhi-e-kaam-o-dahan kab se azaab-e-jaan hai
Ab to yeh zahr rag-o-pay mein utar bhi jaaye

तल्ख़ी-ए-काम-ओ-दहन कब से अज़ाब-ए-जाँ है
अब तो ये ज़हर रग-ओ-पै में उतर भी जाए

اب کے جس دشت تمنا میں قدم رکھا ہے
دل تو کیا چیز ہے امکاں ہے کہ سر بھی جائے

Ab ke jis dasht-e-tamanna mein qadam rakha hai
Dil to kya cheez hai imkaan hai ke sar bhi jaaye

अब के जिस दश्त-ए-तमन्ना में क़दम रक्खा है
दिल तो क्या चीज़ है इम्काँ है कि सर भी जाए

ہم بگولوں کی طرح خاک بسر پھرتے ہیں
پاؤں شل ہوں تو یہ آشوب سفر بھی جائے

Ham bagoolon ki tarah khaak-ba-sar phirte hain
Paaon shal hon to yeh aashob-e-safar bhi jaaye

हम बगूलों की तरह ख़ाक-ब-सर फिरते हैं
पाँव शल हों तो ये आशोब-ए-सफ़र भी जाए

لٹ چکے عشق میں اک بار تو پھر عشق کرو
کس کو معلوم کہ تقدیر سنور بھی جائے

Lut chuke ishq mein ik baar to phir ishq karo
Kis ko maaloom ke taqdeer sanwar bhi jaaye

लुट चुके इश्क़ में इक बार तो फिर इश्क़ करो
किस को मालूम कि तक़दीर सँवर भी जाए

شہر جاناں سے پرے بھی کئی دنیائیں ہیں
ہے کوئی ایسا مسافر جو ادھر بھی جائے

Shehar-e-jaanan se pare bhi kai duniyaen hain
Hai koi aisa musaafir jo udhar bhi jaaye

शहर-ए-जानाँ से परे भी कई दुनियाएँ हैं
है कोई ऐसा मुसाफ़िर जो उधर भी जाए

اس قدر قرب کے بعد ایسے جدا ہو جانا
کوئی کم حوصلہ انساں ہو تو مر بھی جائے

Is qadar qurb ke baad aise juda ho jaana
Koi kam-hausla insaan ho to mar bhi jaaye

इस क़दर क़ुर्ब के बाद ऐसे जुदा हो जाना
कोई कम-हौसला इंसाँ हो तो मर भी जाए

ایک مدت سے مقدر ہے غریب الوطنی
کوئی پردیس میں نا خوش ہو تو گھر بھی جائے

Ek muddat se muqaddar hai ghareeb-ul-watni
Koi pardes mein na-khush ho to ghar bhi jaaye

एक मुद्दत से मुक़द्दर है ग़रीब-उल-वतनी
कोई परदेस में ना-ख़ुश हो तो घर भी जाए