کل شب ہجراں تھی لب پر نالہ بیمارانہ تھا
شام سے تا صبح دم بالیں پہ سر یکجا نہ تھا

Kal shab-e-hijraan thi lab par naala-e-bimaaraana tha
Shaam se ta subah dam baaleen pe sar yakja na tha

कल शब-ए-हिज्राँ थी लब पर नाला-ए-बीमाराना था
शाम से ता सुब्ह दम बालीं पे सर यकजा न था

شہرۂ عالم اسے یمن محبت نے کیا
ورنہ مجنوں ایک خاک افتادۂ ویرانہ تھا

Shohra-e-aalam use yumn-e-mohabbat ne kiya
Warna Majnoon ek khaak-uftaada-e-veeraana tha

शोहरा-ए-आलम उसे युम्न-ए-मोहब्बत ने किया
वरना मजनूँ एक ख़ाक-उफ़्तादा-ए-वीराना था

منزل اس مہ کی رہا جو مدتوں اے ہم نشیں
اب وہ دل گویا کہ اک مدت کا ماتم خانہ تھا

Manzil is meh ki raha jo muddaton ae hum-nasheen
Ab woh dil goya ke ek muddat ka maatam-khaana tha

मंज़िल इस मह की रहा जो मुद्दतों ऐ हम-नशीं
अब वो दिल गोया कि एक मुद्दत का मातम-ख़ाना था

اک نگاہ آشنا کو بھی وفا کرتا نہیں
وا ہوئیں مژگاں کہ سبزہ سبزۂ بیگانہ تھا

Ek nigaah-e-aashna ko bhi wafa karta nahin
Waa hueen mizhgaan ke sabza sabza-e-begaana tha

एक निगाह-ए-आश्ना को भी वफ़ा करता नहीं
वा हुईं मिज़्गाँ कि सब्ज़ा सब्ज़ा-ए-बेगाना था

روز و شب گزرے ہے پیچ و تاب میں رہتے تجھے
اے دل صد چاک کس کی زلف کا تو شانہ تھا

Roz o shab guzre hai paich o taab mein rehte tujhe
Ae dil-e-sad-chaak kis ki zulf ka tu shaana tha

रोज़ ओ शब गुज़रे है पेच ओ ताब में रहते तुझे
ऐ दिल-ए-सद-चाक किस की ज़ुल्फ़ का तू शाना था

یاد ایامے کہ اپنے روز و شب کی جائے باش
یا در باز بیاباں یا در مے خانہ تھا

Yaad-e-ayyaame ke apne roz o shab ki jaae-baash
Ya dar-e-baaz-e-bayaabaan ya dar-e-maikhaana tha

याद-ए-अय्यामे कि अपने रोज़ ओ शब की जाए-बाश
या दर-ए-बाज़-ए-बयाबाँ या दर-ए-मय-ख़ाना था

جس کو دیکھا ہم نے اس وحشت کدے میں دہر کے
یا سڑی یا خبطی یا مجنون یا دیوانہ تھا

Jis ko dekha hum ne is vehshat-kade mein dehr ke
Ya sadee ya khabti ya Majnoon ya deewana tha

जिस को देखा हम ने इस वहशत-कदे में दहर के
या सड़ी या ख़ब्ती या मजनूँ या दीवाना था

بعد خوں ریزی کے مدت بے حنا رنگیں رہا
ہاتھ اس کا جو مرے لوہو میں گستاخانہ تھا

Baad-e-khoon-rezi ke muddat be-hina rangeen raha
Haath us ka jo mere lohu mein gustaakhaana tha

बाद-ए-ख़ूँ-रेज़ी के मुद्दत बे-हिना रंगीं रहा
हाथ उस का जो मेरे लोहू में गुस्ताख़ाना था

غیر کے کہنے سے مارا ان نے ہم کو بے گناہ
یہ نہ سمجھا وہ کہ واقع میں بھی کچھ تھا یا نہ تھا

Ghair ke kehne se maara un ne hum ko be-gunaah
Yeh na samjha woh ke waaqe mein bhi kuch tha ya na tha

ग़ैर के कहने से मारा उन ने हम को बे-गुनाह
ये न समझा वो कि वाक़े में भी कुछ था या न था

صبح ہوتے وہ بناگوش آج یاد آیا مجھے
جو گرا دامن پہ آنسو گوہر یک دانہ تھا

Subah hote woh bana-gosh aaj yaad aaya mujhe
Jo gira daaman pe aansu gauhar-e-yak-daana tha

सुब्ह होते वो बना-गोश आज याद आया मुझे
जो गिरा दामन पे आँसू गौहर-ए-यक-दाना था

شب فروغ بزم کا باعث ہوا تھا حسن دوست
شمع کا جلوہ غبار دیدۂ پروانہ تھا

Shab farogh-e-bazm ka baais hua tha husn-e-dost
Shama ka jalwa ghubaar-e-deeda-e-parwaana tha

शब फ़रोग़-ए-बज़्म का बाइस हुआ था हुस्न-ए-दोस्त
शम्अ का जल्वा ग़ुबार-ए-दीद-ए-परवाना था

رات اس کی چشم میگوں خواب میں دیکھی تھی میں
صبح سوتے سے اٹھا تو سامنے پیمانہ تھا

Raat us ki chashm-e-maigoon khwaab mein dekhi thi main
Subah sote se utha to saamne paimaana tha

रात उस की चश्म-ए-मैगूँ ख़्वाब में देखी थी मैं
सुब्ह सोते से उठा तो सामने पैमाना था

رحم کچھ پیدا کیا شاید کہ اس بے رحم نے
گوش اس کا شب ادھر تا آخر افسانہ تھا

Rehm kuch paida kiya shaayad ke us be-rehm ne
Gosh us ka shab idhar ta aakhir-e-afsaana tha

रहम कुछ पैदा किया शायद कि उस बे-रहम ने
गोश उस का शब इधर ता आख़िर-ए-अफ़साना था

میرؔ بھی کیا مست طافح تھا شراب عشق کا
لب پہ عاشق کے ہمیشہ نعرۂ مستانہ تھا

Meer bhi kya mast-e-taafeh tha sharaab-e-ishq ka
Lab pe aashiq ke hamesha naara-e-mastaana tha

मीर भी क्या मस्त-ए-ताफ़ह था शराब-ए-इश्क़ का
लब पे आशिक़ के हमेशा नारा-ए-मस्ताना था