خط لکھ کے کوئی سادہ نہ اس کو ملول ہو
ہم تو ہوں بد گمان جو قاصد رسول ہو

Khat likh ke koi saada na uss ko malool ho
Hum to hon bad gumaan jo qaasid rasool ho

ख़त लिख के कोई सादा न उस को मलूल हो
हम तो हों बद गुमान जो क़ासिद रसूल हो

چاہوں تو بھر کے کولی اٹھا لوں ابھی تمہیں
کیسے ہی بھاری ہو مرے آگے تو پھول ہو

Chaahon to bhar ke koli utha loon abhi tumhein
Kaise hi bhaari ho mere aage to phool ho

चाहूँ तो भर के कोली उठा लूँ अभी तुम्हें
कैसे ही भारी हो मेरे आगे तो फूल हो

سرمہ جو نور بخشے ہے آنکھوں کو خلق کی
شاید کہ راہ یار کی ہی خاک دھول ہو

Surma jo noor bakhshe hai aankhon ko khalq ki
Shaayad ke raah-e-yaar ki hi khaak dhool ho

सुरमा जो नूर बख़्शे है आँखों को ख़ल्क़ की
शायद के राह-ए-यार की ही ख़ाक धूल हो

جاویں نثار ہونے کو ہم کس بساط پر
اک نیم جاں رکھیں ہیں سو وہ جب قبول ہو

Jaawein nisaar hone ko hum kis bisaat par
Ik neem jaan rakhein hain so woh jab qubool ho

जावें निसार होने को हम किस बिसात पर
इक नीम जाँ रखें हैं सो वो जब क़ुबूल हो

ہم ان دنوں میں لگ نہیں پڑتے ہیں صبح و شام
ورنہ دعا کریں تو جو چاہیں حصول ہو

Hum un dinon mein lag nahin padte hain subah-o-shaam
Warna dua karein to jo chaahein husool ho

हम उन दिनों में लग नहीं पड़ते हैं सुबह-ओ-शाम
वरना दुआ करें तो जो चाहें हुसूल हो

دل لے کے لونڈے دلی کے کب کا پچا گئے
اب ان سے کھائی پی ہوئی شے کیا وصول ہو

Dil le ke launde Dilli ke kab ka pacha gaye
Ab un se khaayi pi hui shai kya wasool ho

दिल ले के लौंडे दिल्ली के कब का पचा गए
अब उन से खाई पी हुई शय क्या वसूल हो

ناکام اس لیے ہو کہ چاہو ہو سب کچھ آج
تم بھی تو میرؔ صاحب و قبلہ عجول ہو

Naakaam is liye ho ke chaaho ho sab kuchh aaj
Tum bhi to Meer saahib o qibla ajool ho

नाकाम इस लिए हो के चाहो हो सब कुछ आज
तुम भी तो मीरؔ साहब ओ क़िबला उजूल हो