خواب کی حالتوں کے ساتھ تیری حکایتوں میں ہیں
ہم بھی دیار اہل دل تیری روایتوں میں ہیں

Khwaab ki halaton ke saath teri hikayaton mein hain
Hum bhi dayaar-e-ahl-e-dil teri riwayaton mein hain

ख़्वाब की हालतों के साथ तेरी हिकायतों में हैं
हम भी दयार-ए-अहल-ए-दिल तेरी रिवायतों में हैं

وہ جو تھے رشتہ ہائے جاں، ٹوٹ سکے بھلا کہاں
جان وہ رشتہ ہائے جاں اب بھی شکایتوں میں ہیں

Wo jo the rishta-haaye-jaan, toot sake bhala kahan
Jaan wo rishta-haaye-jaan ab bhi shikayaton mein hain

वो जो थे रिश्ता-हा-ए-जाँ, टूट सके भला कहाँ
जान वो रिश्ता-हा-ए-जाँ अब भी शिकायतों में हैं

ایک غبار ہے کہ ہے دائرہ وار پر فشاں
قافلہ ہائے کہکشاں تنگ ہیں وحشتوں میں ہیں

Ek ghubaar hai ke hai daaira-waar par-fishaan
Qaafila-haaye-kehkashaan tang hain wehshaton mein hain

एक ग़ुबार है कि है दाएरा-वार पर-फ़िशाँ
क़ाफ़िला-हा-ए-कहकशाँ तंग हैं वहशतों में हैं

وقت کی درمیانیاں کر گئیں جاں کنی کو جاں
وہ جو عداوتیں کہ تھیں آج محبتوں میں ہیں

Waqt ki darmiyaaniyaan kar gayin jaan-kani ko jaan
Wo jo adawatein ke theen aaj mohabbaton mein hain

वक़्त की दरमियानियाँ कर गईं जाँ-कनी को जाँ
वो जो अदावतें कि थीं आज मोहब्बतों में हैं

پرتو رنگ ہے کہ ہے دید میں جانشین رنگ
رنگ کہاں ہیں رونما رنگ تو نکہتوں میں ہیں

Partau-e-rang hai ke hai deed mein jaan-nasheen-e-rang
Rang kahan hain roonuma rang toh nikhaton mein hain

परतौ-ए-रंग है कि है दीद में जानशीन-ए-रंग
रंग कहाँ हैं रूनुमा रंग तो निकहतों में हैं

ہے یہ وجود کی نمود اپنی نفس نفس گریز
وقت کی ساری بستیاں، اپنی ہزیمتوں میں ہیں

Hai ye wujood ki namood apni nafas nafas gurez
Waqt ki saari bastiyaan, apni hazeematon mein hain

है ये वजूद की नमूद अपनी नफ़स नफ़स गुरेज़
वक़्त की सारी बस्तियाँ, अपनी हज़ीमतों में हैं

گرد کا سارا خانماں ہے سر دشت بے اماں
شہر ہیں وہ جو ہر طرح گرد کی خدمتوں میں ہیں

Gard ka saara khanmaan hai sar-e-dasht-e-be-amaan
Shehr hain wo jo har tarah gard ki khidmaton mein hain

गर्द का सारा ख़ानमाँ है सर-ए-दश्त-ए-बे-अमाँ
शहर हैं वो जो हर तरह गर्द की ख़िदमतो में हैं

وہ دل و جان صورتیں جیسے کبھی نہ تھیں کہیں
ہم انہیں صورتوں کے ہیں ہم انہیں صورتوں میں ہیں

Wo dil-o-jaan sooratein jaise kabhi na theen kahin
Hum unhin sooraton ke hain hum unhin sooraton mein hain

वो दिल-ओ-जाँ सूरतें जैसे कभी न थीं कहीं
हम उन्हीं सूरतों के हैं हम उन्हीं सूरतों में हैं

میں نہ سنوں گا ماجرا معرکہ ہائے شوق کا
خون گئے ہیں رائیگاں رنگ ندامتوں میں ہیں

Main na sununga maajra maarka-haaye-shauq ka
Khoon gaye hain raaigaan rang nadamaton mein hain

मैं न सुनूँगा माजरा मारका-हा-ए-शौक़ का
ख़ून गए हैं राएगाँ रंग नदामतों में हैं