لڑ کے پھر آئے ڈر گئے شاید
بگڑے تھے کچھ سنور گئے شاید

Laṛ ke phir āye ḍar gaye shāyad
Bigṛe the kuchh sanvar gaye shāyad

लड़ के फिर आए डर गए शायद
बिगड़े थे कुछ सँवर गए शायद

سب پریشاں دلی میں شب گزری
بال اس کے بکھر گئے شاید

Sab pareshāñ-dilī meñ shab guzarī
Bāl us ke bikhar gaye shāyad

सब परेशाँ-दिली में शब गुज़री
बाल उस के बिखर गए शायद

کچھ خبر ہوتی تو نہ ہوتی خبر
صوفیاں بے خبر گئے شاید

Kuchh khabar hotī to na hotī khabar
Ṣūfiyāñ be-khabar gaye shāyad

कुछ ख़बर होती तो न होती ख़बर
सूफ़ियाँ बे-ख़बर गए शायद

ہیں مکان و سرا و جا خالی
یار سب کوچ کر گئے شاید

Haiñ makāñ o sarā o jā khālī
Yār sab koch kar gaye shāyad

हैं मकाँ ओ सरा ओ जा ख़ाली
यार सब कोच कर गए शायद

آنکھ آئینہ رو چھپاتے ہیں
دل کو لے کر مکر گئے شاید

Āñkh ā.īna-rū chhupāte haiñ
Dil ko le kar mukar gaye shāyad

आँख आईना-रू छुपाते हैं
दिल को ले कर मुकर गए शायद

لوہو آنکھوں میں اب نہیں آتا
زخم اب دل کے بھر گئے شاید

Lahū āñkhoñ meñ ab nahīñ ātā
Zakhm ab dil ke bhar gaye shāyad

लहू आँखों में अब नहीं आता
ज़ख़्म अब दिल के भर गए शायद

اب کہیں جنگلوں میں ملتے نہیں
حضرت خضر مر گئے شاید

Ab kahīñ jañgloñ meñ milte nahīñ
Hazrat-e-Khizar mar gaye shāyad

अब कहीं जंगलों में मिलते नहीं
हज़रत-ए-ख़िज़्र मर गए शायद

بے کلی بھی قفس میں ہے دشوار
کام سے بال و پر گئے شاید

Be-kalī bhī qafas meñ hai dushvār
Kaam se bāl o par gaye shāyad

बे-कली भी क़फ़स में है दुश्वार
काम से बाल ओ पर गए शायद

شور بازار سے نہیں اٹھتا
رات کو میرؔ گھر گئے شاید

Shor bāzār se nahīñ uṭhtā
Raat ko Mīr ghar gaye shāyad

शोर बाज़ार से नहीं उठता
रात को 'मीर' घर गए शायद