موا میں سجدے میں پر نقش میرا بار رہا
اس آستاں پہ مری خاک سے غبار رہا

Muwā maiñ sajde meiñ par naqsh merā bār rahā
Us āstāñ pe mirī khāk se ghubār rahā

मुवा मैं सजदे में पर नक़्श मेरा बार रहा
उस आसताँ पे मिरी ख़ाक से ग़ुबार रहा

جنوں میں اب کے مجھے اپنے دل کا غم ہے پہ حیف
خبر لی جب کہ نہ جامے میں ایک تار رہا

Junūñ meiñ ab ke mujhe apne dil kā gham hai peh haif
Khabar lī jab ki na jāme meiñ ek tār rahā

जुनूँ में अब के मुझे अपने दिल का ग़म है पेह हैफ़
ख़बर ली जब कि न जामे में एक तार रहा

بشر ہے وہ پہ کھلا جب سے اس کا دام زلف
سر رہ اس کے فرشتے ہی کا شکار رہا

Bashar hai voh pe khulā jab se us kā dām-e-zulf
Sar-e-rah us ke farishte hī kā shikār rahā

बशर है वोह पे खुला जब से उस का दाम-ए-ज़ुल्फ़
सर-ए-रह उस के फ़रिश्ते ही का शिकार रहा

کبھو نہ آنکھوں میں آیا وہ شوخ خواب کی طرح
تمام عمر ہمیں اس کا انتظار رہا

Kabhū na āñkhoñ meiñ āyā voh shokh khwāb kī tarah
Tamām 'umr hameñ us kā intezār rahā

कभू न आँखों में आया वोह शोख़ ख़्वाब की तरह
तमाम उम्र हमें उस का इंतिज़ार रहा

شراب عیش میسر ہوئی جسے اک شب
پھر اس کو روز قیامت تلک خمار رہا

Sharāb-e-'aish muyassar huī jise ik shab
Phir us ko roz-e-qayāmat talak khumār rahā

शराब-ए-ऐश मुयस्सर हुई जिसे इक शब
फिर उस को रोज़-ए-क़यामत तलक ख़ुमार रहा

بتاں کے عشق نے بے اختیار کر ڈالا
وہ دل کہ جس کا خدائی میں اختیار رہا

Butāñ ke 'ishq ne be-ikhtiyār kar dālā
Voh dil ki jis kā khudā'ī meiñ ikhtiyār rahā

बुताँ के इश्क़ ने बे-इख़्तियार कर डाला
वोह दिल कि जिस का ख़ुदाई में इख़्तियार रहा

وہ دل کہ شام و سحر جیسے پکا پھوڑا تھا
وہ دل کہ جس سے ہمیشہ جگر فگار رہا

Voh dil ki shām-o-sahar jaise pakkā phoṛā thā
Voh dil ki jis se hamesha jigar figār rahā

वोह दिल कि शाम-ओ-सहर जैसे पक्का फोड़ा था
वोह दिल कि जिस से हमेशा जिगर फ़िगार रहा

تمام عمر گئی اس پہ ہاتھ رکھتے ہمیں
وہ دردناک علی الرغم بے قرار رہا

Tamām 'umr ga'ī us pe hāth rakhte hameñ
Voh dardnāk 'ali-r-raghm be-qarār rahā

तमाम उम्र गई उस पे हाथ रखते हमें
वोह दर्दनाक अल-इर-रग़्म बे-क़रार रहा

ستم میں غم میں سرانجام اس کا کیا کہیے
ہزاروں حسرتیں تھیں تس پہ جی کو مار رہا

Sitam meiñ gham meiñ sar-anjām us kā kyā kahiye
Hazāroñ hasrateñ thīñ tis pe jī ko mār rahā

सितम में ग़म में सर-अंजाम उस का क्या कहिये
हज़ारों हसरतें थीं तिस पे जी को मार रहा

بہا تو خون ہو آنکھوں کی راہ بہہ نکلا
رہا جو سینۂ سوزاں میں داغ دار رہا

Bahā to khūn ho āñkhoñ kī rāh beh niklā
Rahā jo sīna-e-sozāñ meiñ dāgh-dār rahā

बहा तो ख़ून हो आँखों की राह बह निकला
रहा जो सीना-ए-सोज़ाँ में दाग़-दार रहा

سو اس کو ہم سے فراموش کاریوں لے گئے
کہ اس سے قطرۂ خوں بھی نہ یادگار رہا

So us ko ham se farāmosh-kāriyoñ le ga'e
Ki us se qatra-e-khūñ bhī na yādgār rahā

सो उस को हम से फ़रामोश-कारियों ले गए
कि उस से क़तरा-ए-ख़ूँ भी न यादगार रहा

گلی میں اس کی گیا سو گیا نہ بولا پھر
میں میرؔ میرؔ کر اس کو بہت پکار رہا

Galī meiñ us kī gayā so gayā na bolā phir
Maiñ Mīr Mīr kar us ko bahut pukār rahā

गली में उस की गया सो गया न बोला फिर
मैं मीर मीर कर उस को बहुत पुकार रहा