موے سہتے سہتے جفا کاریاں
کوئی ہم سے سیکھے وفاداریاں

Muye sehte sehte jafa-kaariyaan
Koi hum se seekhe wafa-daariyaan

मुए सहते सहते जफ़ा-कारियाँ
कोई हम से सीखे वफ़ा-दारियाँ

ہماری تو گزری اسی طور عمر
یہی نالہ کرنا یہی زاریاں

Hamaari to guzri isi taur umr
Yahi naala karna yahi zaariyaan

हमारी तो गुज़री इसी तौर उम्र
यही नाला करना यही ज़ारियाँ

فرشتہ جہاں کام کرتا نہ تھا
مری آہ نے برچھیاں ماریاں

Farishta jahaan kaam karta na tha
Miri aah ne barchhiyaan maariyaan

फ़रिश्ता जहाँ काम करता न था
मिरी आह ने बरिछयाँ मारियाँ

گیا جان سے اک جہاں لے کے شوخ
نہ تجھ سے گئیں یہ دل آزاریاں

Gaya jaan se ik jahaan le ke shokh
Na tujh se gayeen ye dil-aazaariyaan

गया जान से इक जहाँ ले के शोख़
न तुझ से गईं ये दिल-आज़ारियाँ

کہاں تک یہ تکلیف ما لا یطاق
ہوئیں مدتوں ناز برداریاں

Kahaan tak ye takleef ma la yutaq
Huyeen muddaton naaz-bardaariyaan

कहाँ तक ये तकलीफ़ मा ला युताक़
हुईं मुद्दतों नाज़-बरदारियाँ

خط و کاکل و زلف و انداز و ناز
ہوئیں دام رہ صد گرفتاریاں

Khat o kaakul o zulf o andaaz o naaz
Huyeen daam-e-rah sad giriftaariyaan

ख़त ओ काकुल ओ ज़ुल्फ़ ओ अंदाज़ ओ नाज़
हुईं दाम-ए-रह सद गिरफ़्तारियाँ

کیا درد و غم نے مجھے ناامید
کہ مجنوں کو یہ ہی تھیں بیماریاں

Kiya dard o gham ne mujhe na-umeed
Ke Majnun ko ye hi theen beemaariyaan

किया दर्द ओ ग़म ने मुझे ना-उम्मीद
के मजनूं को ये ही थीं बीमारियाँ

تری آشنائی سے ہی حد ہوئی
بہت کی تھیں دنیا میں ہم یاریاں

Tiri aashnaai se hi hadd huyi
Bahut ki theen duniya mein hum yaariyaan

तिरी आश्नाई से ही हद हुई
बहुत की थीं दुनिया में हम यारयाँ

نہ بھائی ہماری تو قدرت نہیں
کھنچیں میرؔ تجھ سے ہی یہ خواریاں

Na bhaai hamaari to qudrat nahin
Khinchen 'Mir' tujh se hi ye khwaariyaan

न भाई हमारी तो क़ुदरत नहीं
खिंचें 'मीर' तुझ से ही ये ख़्वारियाँ