نہ حریف جاں نہ شریک غم شب انتظار کوئی تو ہو
کسے بزم شوق میں لائیں ہم دل بے قرار کوئی تو ہو

na hareef-e-jaan na shareek-e-gham shab-e-intezaar koi to ho
kise bazm-e-shauq mein laayin hum dil-e-be-qarar koi to ho

न हरीफ़-ए-जाँ न शरीक-ए-ग़म शब-ए-इंतज़ार कोई तो हो
किसे बज़्म-ए-शौक़ में लाएँ हम दिल-ए-बे-क़रार कोई तो हो

کسے زندگی ہے عزیز اب کسے آرزوئے شب طرب
مگر اے نگار وفا طلب ترا اعتبار کوئی تو ہو

kise zindagi hai azeez ab kise aarzoo-e-shab-e-tarab
magar ae nigaar-e-wafa-talab tera aitbaar koi to ho

किसे ज़िंदगी है अज़ीज़ अब किसे आरज़ू-ए-शब-ए-तरब
मगर ऐ निगार-ए-वफ़ा-तलब तेरा ऐतबार कोई तो हो

کہیں تار دامن گل ملے تو یہ مان لیں کہ چمن کھلے
کہ نشان فصل بہار کا سر شاخسار کوئی تو ہو

kaheen taar-e-daaman-e-gul mile to ye maan lein ke chaman khile
ke nishaan-e-fasl-e-bahaar ka sar-e-shaakhsaar koi to ho

कहीं तार-ए-दामन-ए-गुल मिले तो ये मान लें कि चमन खिले
कि निशान-ए-फ़स्ल-ए-बहार का सर-ए-शाख़सार कोई तो हो

یہ اداس اداس سے بام و در یہ اجاڑ اجاڑ سی رہگزر
چلو ہم نہیں نہ سہی مگر سر کوئے یار کوئی تو ہو

ye udaas udaas se baam-o-dar ye ujaar ujaar si rahguzar
chalo hum nahin na sahi magar sar-e-kooy-e-yaar koi to ho

ये उदास उदास से बाम-ओ-दर ये उजाड़ उजाड़ सी रहगुज़र
चलो हम नहीं न सही मगर सर-ए-कू-ए-यार कोई तो हो

یہ سکون جاں کی گھڑی ڈھلے تو چراغ دل ہی نہ بجھ چلے
وہ بلا سے ہو غم عشق یا غم روزگار کوئی تو ہو

ye sukoon-e-jaan ki ghadi dhale to chiraagh-e-dil hi na bujh chale
wo balaa se ho gham-e-ishq ya gham-e-rozgaar koi to ho

ये सुकून-ए-जाँ की घड़ी ढले तो चराग़-ए-दिल ही न बुझ चले
वो बला से हो ग़म-ए-इश्क़ या ग़म-ए-रोज़गार कोई तो हो

سر مقتل شب آرزو رہے کچھ تو عشق کی آبرو
جو نہیں عدو تو فرازؔ تو کہ نصیب دار کوئی تو ہو

sar-e-maqtal-e-shab-e-aarzoo rahe kuch to ishq ki aabroo
jo nahin adoo to faraz tu ke naseeb-daar koi to ho

सर-ए-मक़्तल-ए-शब-ए-आरज़ू रहे कुछ तो इश्क़ की आबरू
जो नहीं अदू तो फ़राज़ तू कि नसीब-दार कोई तो हो