اس نے سکوت شب میں بھی اپنا پیام رکھ دیا
ہجر کی رات بام پر ماہ تمام رکھ دیا

Us ne sukoot-e-shab mein bhi apna payam rakh diya
Hijr ki raat baam par maah-e-tamaam rakh diya

उस ने सुकूत-ए-शब में भी अपना पयाम रख दिया
हिज्र की रात बाम पर माह-ए-तमाम रख दिया

آمد دوست کی نوید کوئے وفا میں عام تھی
میں نے بھی اک چراغ سا دل سر شام رکھ دیا

Aamad-e-dost ki naveed koo-e-wafa mein aam thi
Mein ne bhi ik chiraag sa dil sar-e-shaam rakh diya

आमद-ए-दोस्त की नवीद कू-ए-वफ़ा में आम थी
मैंने भी इक चिराग़ सा दिल सर-ए-शाम रख दिया

شدت تشنگی میں بھی غیرت مے کشی رہی
اس نے جو پھیر لی نظر میں نے بھی جام رکھ دیا

Shiddat-e-tishnagi mein bhi ghairat-e-maikashi rahi
Us ne jo pher li nazar mein ne bhi jaam rakh diya

शिद्दत-ए-तिश्नगी में भी ग़ैरत-ए-मैकशी रही
उस ने जो फेर ली नज़र मैंने भी जाम रख दिया

اس نے نظر نظر میں ہی ایسے بھلے سخن کہے
میں نے تو اس کے پاؤں میں سارا کلام رکھ دیا

Us ne nazar nazar mein hi aise bhale sukhan kahe
Mein ne to us ke paaon mein saara kalaam rakh diya

उस ने नज़र नज़र में ही ऐसे भले सुख़न कहे
मैंने तो उस के पाँव में सारा कलाम रख दिया

دیکھو یہ میرے خواب تھے دیکھو یہ میرے زخم ہیں
میں نے تو سب حساب جاں بر سر عام رکھ دیا

Dekho yeh mere khwaab the dekho yeh mere zakhm hain
Mein ne to sab hisaab-e-jaan bar-sar-e-aam rakh diya

देखो ये मेरे ख़्वाब थे देखो ये मेरे ज़ख़्म हैं
मैंने तो सब हिसाब-ए-जाँ बर-सर-ए-आम रख दिया

اب کے بہار نے بھی کیں ایسی شرارتیں کہ بس
کبک دری کی چال میں تیرا خرام رکھ دیا

Ab ke bahaar ne bhi keen aisi shararateen ke bas
Kabk-e-dari ki chaal mein tera khuraam rakh diya

अब के बहार ने भी कीं ऐसी शरारतें कि बस
कब्क-ए-दरी की चाल में तेरा ख़िराम रख दिया

جو بھی ملا اسی کا دل حلقہ بگوش یار تھا
اس نے تو سارے شہر کو کر کے غلام رکھ دیا

Jo bhi mila usi ka dil halqa-ba-gosh-e-yaar tha
Us ne to saare shehar ko kar ke ghulaam rakh diya

जो भी मिला उसी का दिल हलक़ा-ब-गोश-ए-यार था
उस ने तो सारे शहर को कर के ग़ुलाम रख दिया

اور فرازؔ چاہئیں کتنی محبتیں تجھے
ماؤں نے تیرے نام پر بچوں کا نام رکھ دیا

Aur Faraz chahiyen kitni mohabbatein tujhe
Maaon ne tere naam par bachon ka naam rakh diya

और फ़राज़ चाहियें कितनी मोहब्बतें तुझे
माओं ने तेरे नाम पर बच्चों का नाम रख दिया