نالۂ عجز نقص الفت ہے
رنج و محنت کمال راحت ہے

Naala-e-ajz naqs-e-ulfat hai
Ranj-o-mehnat kamaal-e-rahat hai

नाला-ए-अज्ज़ नक़्स-ए-उल्फ़त है
रंज-ओ-मेहनत कमाल-ए-राहत है

عشق ہی گریۂ ندامت ہے
ورنہ عاشق کو چشم خفت ہے

Ishq hi girya-e-nadamat hai
Warna aashiq ko chashm-e-khiffat hai

इश्क़ ही गिर्या-ए-नदामत है
वरना आशिक़ को चश्म-ए-ख़िफ़्फ़त है

تا دم مرگ غم خوشی کا نہیں
دل آزردہ گر سلامت ہے

Ta dam-e-marg gham khushi ka nahin
Dil aazurda gar salaamat hai

ता दम-ए-मर्ग ग़म ख़ुशी का नहीं
दिल आज़ुर्दा गर सलामत है

دل میں ناسور پھر جدھر چاہے
ہر طرف کوچۂ جراحت ہے

Dil mein nasoor phir jidhar chaahe
Har taraf koocha-e-jarahat hai

दिल में नासूर फिर जिधर चाहे
हर तरफ़ कूचा-ए-जराहत है

رونا آتا ہے دم بدم شاید
کسو حسرت کی دل سے رخصت ہے

Rona aata hai dam-badam shaayad
Kisu hasrat ki dil se rukhsat hai

रोना आता है दम-ब-दम शायद
किसू हसरत की दिल से रुख़्सत है

فتنے رہتے ہیں اس کے سائے میں
قد و قامت ترا قیامت ہے

Fitne rehte hain us ke saaye mein
Qad-o-qaamat tera qayamat hai

फ़ित्ने रहते हैं उस के साये में
क़द-ओ-क़ामत तेरा क़यामत है

نہ تجھے رحم نے اسے ٹک صبر
دل پہ میرے عجب مصیبت ہے

Na tujhe reham ne use tik sabr
Dil pe mere ajab musibat hai

न तुझे रहम ने उसे टिक सब्र
दिल पे मेरे अजब मुसीबत है

تو تو نادان ہے نپٹ ناصح
کب مؤثر تری نصیحت ہے

Tu toh naadan hai nipat naaseh
Kab mu'assir teri nasihat hai

तू तो नादाँ है निपट नासेह
कब मुअस्सिर तेरी नसीहत है

دل پہ جب میرے آ کے یہ ٹھہرا
کہ مجھے خوش دلی اذیت ہے

Dil pe jab mere aa ke yeh thehra
Ke mujhe khush-dili aziyat hai

दिल पे जब मेरे आ के यह ठहरा
के मुझे ख़ुश-दिली अज़ीयत है

رنج و محنت سے باز کیونکے رہوں
وقت جاتا رہے تو حسرت ہے

Ranj-o-mehnat se baaz kyunke rahoon
Waqt jaata rahe toh hasrat hai

रंज-ओ-मेहनत से बाज़ क्यूँके रहूँ
वक़्त जाता रहे तो हसरत है

کیا ہے پھر کوئی دم کو کیا جانو
دم غنیمت میاں جو فرصت ہے

Kya hai phir koi dam ko kya jaano
Dam ghanimat miyaan jo fursat hai

क्या है फिर कोई दम को क्या जानो
दम ग़नीमत मियाँ जो फ़ुर्सत है

تیرا شکوہ مجھے نہ میرا تجھے
چاہیے یوں جو فی الحقیقت ہے

Tera shikwa mujhe na mera tujhe
Chaahiye yoon jo fil-haqiqat hai

तेरा शिकवा मुझे न मेरा तुझे
चाहिए यूँ जो फ़िल-हक़ीक़त है

تجھ کو مسجد ہے مجھ کو مے خانہ
واعظا اپنی اپنی قسمت ہے

Tujh ko masjid hai mujh ko mai-khaana
Waa'iza apni apni qismat hai

तुझ को मस्जिद है मुझ को मय-ख़ाना
वाइज़ा अपनी अपनी क़िस्मत है

ایسے ہنس مکھ کو شمع سے تشبیہ
شمع مجلس کی رونی صورت ہے

Aise hans-mukh ko shama se tashbeeh
Shama majlis ki roni soorat hai

ऐसे हँस-मुख को शम्अ से तश्बीह
शम्अ मज्लिस की रोनी सूरत है

باطل السحر دیکھ باطل تھے
تیری آنکھوں کا سحر آفت ہے

Baatil-us-sehr dekh baatil the
Teri aankhon ka sehr aafat hai

बातिल-उस-सहर देख बातिल थे
तेरी आँखों का सहर आफ़त है

ابر تر کے حضور پھوٹ بہا
دیدۂ تر کو میرے رحمت ہے

Abr-e-tar ke huzoor phoot baha
Deeda-e-tar ko mere rehmat hai

अब्र-ए-तर के हुज़ूर फूट बहा
दीदा-ए-तर को मेरे रहमत है

گاہ نالاں تپاں گہے بے دم
دل کی میرے عجب ہی حالت ہے

Gaah naalaan tapaan gahe be-dam
Dil ki mere ajab hi haalat hai

गाह नालाँ तपाँ गहे बे-दम
दिल की मेरे अजब ही हालत है

کیا ہوا گر غزل قصیدہ ہوئی
عاقبت قصۂ محبت ہے

Kya hua gar ghazal qaseeda hui
Aaqibat qissa-e-mohabbat hai

क्या हुआ गर ग़ज़ल क़सीदा हुई
आक़िबत क़िस्सा-ए-मोहब्बत है

تربت میرؔ پر ہیں اہل سخن
ہر طرف حرف ہے حکایت ہے

Turbat-e-Mir par hain ahl-e-sukhan
Har taraf harf hai hikayat hai

तुर्बत-ए-मीर पर हैं अहल-ए-सुख़न
हर तरफ़ हर्फ़ है हिकायत है

تو بھی تقریب فاتحہ سے چل
بخدا واجب الزیارت ہے

Tu bhi taqreeb-e-faatiha se chal
Ba-khuda waajib-uz-ziyarat hai

तू भी तक़रीब-ए-फ़ातिहा से चल
ब-ख़ुदा वाजिब-उज़-ज़ियारत है