نالہ جز حسن طلب اے ستم ایجاد نہیں
ہے تقاضائے جفا شکوۂ بیداد نہیں

Naala juz husn-e-talab ae sitam-eejaad nahin
Hai taqaaza-e-jafa shikwa-e-bedaad nahin

नाला जुज़ हुस्न-ए-तलब ऐ सितम-ईजाद नहीं
है तक़ाज़ा-ए-जफ़ा शिकवा-ए-बेदाद नहीं

عشق و مزدوری عشرت گہ خسرو کیا خوب
ہم کو تسلیم نکو نامی فرہاد نہیں

Ishq o mazdoori-e-ishrat-gah-e-Khusrau kya khoob
Hum ko tasleem nako-naami-e-Farhaad nahin

इश्क़ ओ मज़दूरी-ए-इश्रत-गह-ए-ख़ुसरौ क्या ख़ूब
हम को तस्लीम नको-नामी-ए-फ़रहाद नहीं

کم نہیں وہ بھی خرابی میں پہ وسعت معلوم
دشت میں ہے مجھے وہ عیش کہ گھر یاد نہیں

Kam nahin woh bhi kharaabi mein peh vus'at ma'aloom
Dasht mein hai mujhe woh aish ke ghar yaad nahin

कम नहीं वो भी ख़राबी में पे वुसअत मालूम
दश्त में है मुझे वो ऐश कि घर याद नहीं

اہل بینش کو ہے طوفان حوادث مکتب
لطمۂ موج کم از سیلئ استاد نہیں

Ahl-e-beenish ko hai toofaan-e-hawaadis maktab
Latma-e-mauj kam az sili-e-ustaad nahin

अहल-ए-बीनिश को है तूफ़ान-ए-हवादिस मक्तब
लत्मा-ए-मौज कम अज़ सिली-ए-उस्ताद नहीं

وائے محرومی تسلیم و بدا حال وفا
جانتا ہے کہ ہمیں طاقت فریاد نہیں

Waaye mehroomi-e-tasleem o badaa-haal-e-wafa
Jaanta hai ke humein taaqat-e-faryaad nahin

वाए महरूमी-ए-तस्लीम ओ बदा-हाल-ए-वफ़ा
जानता है कि हमें ताक़त-ए-फ़रियाद नहीं

رنگ تمکین گل و لالہ پریشاں کیوں ہے
گر چراغان سر رہ گزر باد نہیں

Rang-e-tamkeen-e-gul o laala pareshaan kyun hai
Gar charaaghaan sar-e-rahguzar-e-baad nahin

रंग-ए-तमकीन-ए-गुल ओ लाला परेशाँ क्यूँ है
गर चराग़ाँ सर-ए-रहगुज़र-ए-बाद नहीं

سبد گل کے تلے بند کرے ہے گلچیں
مژدہ اے مرغ کہ گلزار میں صیاد نہیں

Sabad-e-gul ke tale band kare hai gulcheen
Muzhda ae murgh ke gulzaar mein sayyaad nahin

सबद-ए-गुल के तले बंद करे है गुलचीं
मुज़्दा ऐ मुर्ग़ कि गुलज़ार में सय्याद नहीं

نفی سے کرتی ہے اثبات تراوش گویا
دی ہے جائے دہن اس کو دم ایجاد نہیں

Nafi se karti hai asbaat taraavish goya
Di hai jaa-e-dahan us ko dam-e-eejaad nahin

नफ़ी से करती है असबात तराविश गोया
दी है जा-ए-दहन उस को दम-ए-ईजाद नहीं

کم نہیں جلوہ گری میں ترے کوچے سے بہشت
یہی نقشہ ہے ولے اس قدر آباد نہیں

Kam nahin jalwa-gari mein tere kooche se bahisht
Yahi naqsha hai vale is qadar aabaad nahin

कम नहीं जल्वा-गरी में तिरे कूचे से बहिश्त
यही नक़्शा है वले इस क़दर आबाद नहीं

کرتے کس منہ سے ہو غربت کی شکایت غالبؔ
تم کو بے مہری یاران وطن یاد نہیں

Karte kis munh se ho ghurbat ki shikaayat Ghalib
Tum ko be-mehri-e-yaaran-e-watan yaad nahin

करते किस मुँह से हो ग़ुर्बत की शिकायत 'ग़ालिब'
तुम को बे-मेहरी-ए-यारान-ए-वतन याद नहीं