نکلے وہ پھول بن کے ترے گلستاں سے ہم
مہکا دیا فضاؤں کو گزرے جہاں سے ہم

Nikle woh phool ban ke tere gulistaan se hum
Mehka diya fazaon ko guzre jahaan se hum

निकले वो फूल बन के तेरे गुलिस्तां से हम
महका दिया फ़ज़ाओं को गुज़रे जहां से हम

اب تو یہی حریم محبت ہے اے صنم
جائیں کہاں اب اٹھ کے ترے آستاں سے ہم

Ab toh yehi hareem-e-mohabbat hai ae sanam
Jaayein kahan ab uth ke tere aastaan se hum

अब तो यही हरीम-ए-मोहब्बत है ऐ सनम
जाएं कहां अब उठ के तेरे आस्तां से हम

دنیا میں اب کہیں بھی ٹھہرتی نہیں نظر
تجھ سا حسین لائیں تو لائیں کہاں سے ہم

Duniya mein ab kahin bhi theherti nahin nazar
Tujh sa haseen laayein toh laayein kahan se hum

दुनिया में अब कहीं भी ठहरती नहीं नज़र
तुझ सा हसीन लाएं तो लाएं कहां से हम

دل لے کے جس نے درد محبت عطا کیا
مانگیں گے اب دوا بھی اسی مہرباں سے ہم

Dil le ke jis ne dard-e-mohabbat ata kiya
Mangein ge ab dawa bhi usi meherbaan se hum

दिल ले के जिस ने दर्द-ए-मोहब्बत अता किया
मांगेंगे अब दवा भी उसी मेहरबां से हम

دامن میں کچھ تو ڈال دے اپنے کرم کی بھیک
دامن تہی نہ جائیں گے اس آستاں سے ہم

Daman mein kuch toh daal de apne karam ki bheek
Daman-e-tahi na jaayein ge us aastaan se hum

दामन में कुछ तो डाल दे अपने करम की भीख
दामन-ए-तही न जाएंगे उस आस्तां से हम

تیرا کرم رہا جو رہ عشق میں صنم
اک روز آ ملیں گے ترے کارواں سے ہم

Tera karam raha jo rah-e-ishq mein sanam
Ek roz aa milein ge tere kaarwaan se hum

तेरा करम रहा जो राह-ए-इश्क़ में सनम
एक रोज़ आ मिलेंगे तेरे कारवां से हम

لکھی ہوئی تھی قید عناصر نصیب میں
لے کر چلے ہیں اپنا قفس آشیاں سے ہم

Likhi hui thi qaid-e-anaasir naseeb mein
Le kar chale hain apna qafas aashiyaan se hum

लिखी हुई थी क़ैद-ए-अनासिर नसीब में
ले कर चले हैं अपना क़फ़स आशियान से हम

راہ جنوں میں کھلنے لگے عاشقی کہ پھول
ان کے کرم کے سائے میں گزرے جہاں سے ہم

Raah-e-junoon mein khulne lage aashiqui ke phool
Un ke karam ke saaye mein guzre jahaan se hum

राह-ए-जुनूं में खुलने लगे आशिक़ी के फूल
उन के करम के साये में गुज़रे जहां से हम

ٹھکرائیں یا نواز لیں وہ ہم کو اے فناؔ
شکوہ کبھی کریں گے نہ اپنی زباں سے ہم

Thukraayein ya nawaaz lein woh hum ko ae Fana
Shikwa kabhi karein ge na apni zubaan se hum

ठुकराएं या नवाज़ लें वो हम को ऐ फ़ना
शिकवा कभी करेंगे न अपनी ज़बां से हम