رات سے آنسو مری آنکھوں میں پھر آنے لگا
یک رمق جی تھا بدن میں سو بھی گھبرانے لگا

raat se aansu miri aankhoñ meñ phir aane lagā
yak ramaq jī thā badan meñ so bhī ghabrāne lagā

रात से आँसू मरी आँखों में फिर आने लगा
यक रमक़ जी था बदन में सो भी घबराने लगा

وہ لڑکپن سے نکل کر تیغ چمکانے لگا
خون کرنے کا خیال اب کچھ اسے آنے لگا

vo laḌakpan se nikal kar teġh chamkāne lagā
ḳhūn karne kā ḳhayāl ab kuchh use aane lagā

वो लड़कपन से निकल कर तेग़ चमकाने लगा
ख़ून करने का ख़याल अब कुछ उसे आने लगा

لعل جاں بخش اس کے تھے پوشیدہ جوں آب حیات
اب تو کوئی کوئی ان ہونٹھوں پہ مر جانے لگا

la.al-e-jāñ-baḳhsh us ke the poshīda jūñ āb-e-hayāt
ab to koī koī un hoñThoñ pe mar jaane lagā

लअल-ए-जाँ-बख़्श उस के थे पोशीदा जूँ आब-ए-हयात
अब तो कोई कोई उन होंठों पे मर जाने लगा

حیف میں اس کے سخن پر ٹک نہ رکھا گوش کو
یوں تو ناصح نے کہا تھا دل نہ دیوانے لگا

haif maiñ us ke suḳhan par Tuk na rakkhā gosh ko
yūñ to nāseh ne kahā thā dil na dīvāne lagā

हैफ़ मैं उस के सुख़न पर टुक न रक्खा गोश को
यूँ तो नासेह ने कहा था दिल न दीवाने लगा

حبس دم کے معتقد تم ہو گے شیخ شہر کے
یہ تو البتہ کہ سن کر لعن دم کھانے لگا

habs-e-dam ke mo'taqid tum ho ge shaiḳh shahr ke
ye to albatta ki sun kar la.an dam khāne lagā

हब्स-ए-दम के मो'तक़िद तुम होगे शैख़ शहर के
ये तो अलबत्ता कि सुन कर लअन दम खाने लगा

گرم ملنا اس گل نازک طبیعت سے نہ ہو
چاندنی میں رات بیٹھا تھا سو مرجھانے لگا

garm milnā us gul-e-nāzuk tabī.at se na ho
chāñdnī meñ raat baiThā thā so murjhāne lagā

गर्म मिलना उस गुल-ए-नाज़ुक तबीअत से न हो
चाँदनी में रात बैठा था सो मुरझाने लगा

عاشقوں کی پائمالی میں اسے اصرار ہے
یعنی وہ محشر خرام اب پاؤں پھیلانے لگا

āshiqoñ kī pā.emālī meñ use isrār hai
ya.anī vo mahshar-ḳhirām ab pāñuñ phailāne lagā

आशिक़ों की पाएमाली में उसे इसरार है
यानी वो महशर-ख़िराम अब पाऊँ फैलाने लगा

چشمک اس مہ کی سی دل کش دید میں آئی نہیں
گو ستارہ صبح کا بھی آنکھ جھپکانے لگا

chashmak us mah kī sī dil-kash diid meñ aa.ī nahīñ
go sitāra sub.h kā bhī āñkh jhapkāne lagā

चश्मक उस मह की सी दिल-कश दीद में आई नहीं
गो सितारा सुब्ह का भी आँख झपकाने लगा

کیونکر اس آئینہ رو سے میرؔ ملیے بے حجاب
وہ تو اپنے عکس سے بھی دیکھو شرمانے لگا

kyūñkar us ā.īna-rū se 'mīr' miliye be-hijāb
vo to apne aks se bhī dekho sharmāne lagā

क्यूँकर उस आईना-रू से 'मीर' मिलिए बे-हिजाब
वो तो अपने अक्स से भी देखो शर्माने लगा