رفتار و طور و طرز و روش کا یہ ڈھب ہے کیا
پہلے سلوک ایسے ہی تیرے تھے اب ہے کیا

Raftaar o taur o tarz o ravish ka yeh dhab hai kya
Pehle sulook aise hi tere the ab hai kya

रफ़्तार-ओ-तौर-ओ-तर्ज़-ओ-रविश का ये ढब है क्या
पहले सुलूक ऐसे ही तेरे थे अब है क्या

ہم دل زدہ نہ رکھتے تھے تم سے یہ چشم داشت
کرتے ہو قہر لطف کی جاگا غضب ہے کیا

Hum dil-zada na rakhte the tum se yeh chashm-daasht
Karte ho qahar lutf ki jaaga ghazab hai kya

हम दिल-ज़दा न रखते थे तुम से ये चश्म-दाश्त
करते हो क़हर लुत्फ़ की जागा ग़ज़ब है क्या

عزت بھی بعد ذلت بسیار چھیڑ ہے
مجلس میں جب خفیف کیا پھر ادب ہے کیا

Izzat bhi baad zillat-e-besyaar chhed hai
Majlis mein jab khafeef kiya phir adab hai kya

इज़्ज़त भी बाद ज़िल्लत-ए-बेस्यार छेड़ है
मजलिस में जब ख़फ़ीफ़ किया फिर अदब है क्या

آئے ہم آپ میں تو نہ پہچانے پھر گئے
اس راہ صعب عشق میں یارو تعب ہے کیا

Aaye hum aap mein to na pehchaane phir gaye
Is raah-e-so'ab-e-ishq mein yaaro ta'ab hai kya

आए हम आप में तो न पहचाने फिर गए
इस राह-ए-सो'अब-ए-इश्क़ में यारो त'अब है क्या

حیراں ہیں اس دہن کے عزیزان خوردہ بیں
یہ بھی مقام ہائے تامل طلب ہے کیا

Hairaan hain is dahan ke azeezaan-e-khurda-been
Yeh bhi maqaam haaye ta'ammul talab hai kya

हैरां हैं इस दहन के अज़ीज़ान-ए-ख़ुर्द-बीं
ये भी मक़ाम हाए तअम्मुल तलब है क्या

آنکھیں جو ہوویں تیری تو تو عین کر رکھے
عالم تمام گر وہ نہیں تو یہ سب ہے کیا

Aankhein jo howein teri to tu ain kar rakhe
Aalam tamaam gar woh nahin to yeh sab hai kya

आँखें जो होवें तेरी तो तू ऐन कर रखे
आलम तमाम गर वो नहीं तो ये सब है क्या

اس آفتاب بن نہیں کچھ سوجھتا ہمیں
گر یہ ہی اپنے دن ہیں تو تاریک شب ہے کیا

Is aaftaab bin nahin kuch soojhta hamein
Gar yeh hi apne din hain to taareek shab hai kya

इस आफ़ताब बिन नहीं कुछ सूझता हमें
गर ये ही अपने दिन हैं तो तारीक शब है क्या

تم نے ہمیشہ جور و ستم بے سبب کیے
اپنا ہی ظرف تھا جو نہ پوچھا سبب ہے کیا

Tum ne hamesha jaur o sitam be-sabab kiye
Apna hi zarf tha jo na poocha sabab hai kya

तुम ने हमेशा जौर-ओ-सितम बे-सबब किए
अपना ही ज़र्फ़ था जो न पूछा सबब है क्या

کیوں کر تمہاری بات کرے کوئی اعتبار
ظاہر میں کیا کہو ہو سخن زیر لب ہے کیا

Kyun kar tumhaari baat kare koi aitbaar
Zaahir mein kya kaho ho sukhan zer-e-lab hai kya

क्यूँ कर तुम्हारी बात करे कोई ऐतबार
ज़ाहिर में क्या कहो हो सुख़न ज़ेर-ए-लब है क्या

اس مہ بغیر میرؔ کا مرنا عجب ہوا
ہر چند مرگ عاشق مسکیں عجب ہے کیا

Is meh baghair Meer ka marna ajab hua
Har chand marg-e-aashiq-e-miskeen ajab hai kya

इस मह बग़ैर मीर का मरना अजब हुआ
हर चंद मर्ग-ए-आशिक़-ए-मिस्कीं अजब है क्या