سرخیاں کیوں ڈھونڈھ کر لاؤں فسانے کے لئے
بس تمہارا نام کافی ہے زمانے کے لئے

Surkhiyaan kyun dhoondh kar laoon fasaane ke liye
Bas tumhara naam kaafi hai zamaane ke liye

सुरख़ियां क्यों ढूंढ कर लाऊं फ़साने के लिए
बस तुम्हारा नाम काफ़ी है ज़माने के लिए

موجیں ساحل سے ہٹاتی ہیں حبابوں کا ہجوم
وہ چلے آئے ہیں ساحل پر نہانے کے لئے

Maujen saahil se hataati hain hubaabon ka hujoom
Woh chale aaye hain saahil par nahaane ke liye

मौजें साहिल से हटाती हैं हुबाबों का हुजूम
वह चले आए हैं साहिल पर नहाने के लिए

سوچتا ہوں اب کہیں بجلی گری تو کیوں گری
تنکے لایا تھا کہاں سے آشیانے کے لئے

Sochta hoon ab kahin bijli giri to kyun giri
Tinke laaya tha kahaan se aashiyaane ke liye

सोचता हूँ अब कहीं बिजली गिरी तो क्यों गिरी
तिनके लाया था कहाँ से आशियाने के लिए

چھوڑ کر بستی یہ دیوانے کہاں سے آ گئے
دشت کی بیٹھی بٹھائی خاک اڑانے کے لئے

Chhod kar basti yeh deewane kahaan se aa gaye
Dasht ki baithi bithaai khaak udaane ke liye

छोड़ कर बस्ती यह दीवाने कहाँ से आ गए
दश्त की बैठी बिठाई ख़ाक उड़ाने के लिए

ہنس کے کہتے ہو زمانہ بھر مجھی پر جان دے
رہ گئے ہو کیا تمہیں سارے زمانے کے لئے

Hans ke kehte ho zamaana bhar mujhi par jaan de
Rah gaye ho kya tumheen saare zamaane ke liye

हँस के कहते हो ज़माना भर मुझी पर जान दे
रह गए हो क्या तुम्हीं सारे ज़माने के लिए

شام کو آؤ گے تم اچھا ابھی ہوتی ہے شام
گیسوؤں کو کھول دو سورج چھپانے کے لئے

Shaam ko aaoge tum achha abhi hoti hai shaam
Geesuon ko khol do sooraj chhupaane ke liye

शाम को आओगे तुम अच्छा अभी होती है शाम
गेसुओं को खोल दो सूरज छुपाने के लिए

کائنات عشق اک دل کے سوا کچھ بھی نہیں
وہ ہی آنے کے لئے ہے وہ ہی جانے کے لئے

Kaayenaat-e-ishq ik dil ke siwa kuch bhi nahin
Woh hi aane ke liye hai woh hi jaane ke liye

कायनात-ए-इश्क़ इक दिल के सिवा कुछ भी नहीं
वह ही आने के लिए है वह ही जाने के लिए

اے زمانے بھر کو خوشیاں دینے والے یہ بتا
کیا قمرؔ ہی رہ گیا ہے غم اٹھانے کے لئے

Ae zamaane bhar ko khushiyaan dene waale yeh bata
Kya Qamar hi rah gaya hai gham uthaane ke liye

ऐ ज़माने भर को ख़ुशियाँ देने वाले यह बता
क्या क़मर ही रह गया है ग़म उठाने के लिए