الٹی ہو گئیں سب تدبیریں کچھ نہ دوا نے کام کیا
دیکھا اس بیماری دل نے آخر کام تمام کیا

Ulti ho gayin sab tadbeeren kuch na dawa ne kaam kiya
Dekha is bimari-e-dil ne aakhir kaam tamam kiya

उलटी हो गईं सब तदबीरें कुछ न दवा ने काम किया
देखा इस बीमारी-ए-दिल ने आख़िर काम तमाम किया

عہد جوانی رو رو کاٹا پیری میں لیں آنکھیں موند
یعنی رات بہت تھے جاگے صبح ہوئی آرام کیا

Ahd-e-jawani ro ro kaata peeri mein lein aankhein moond
Yaani raat bahut the jaage subah hui aaram kiya

अहद-ए-जवानी रो रो काटा पीरी में लें आँखें मूंद
यानी रात बहुत थे जागे सुबह हुई आराम किया

حرف نہیں جاں بخشی میں اس کی خوبی اپنی قسمت کی
ہم سے جو پہلے کہہ بھیجا سو مرنے کا پیغام کیا

Harf nahin jaan-bakhshi mein uski khubi apni qismat ki
Hum se jo pehle keh bheja so marne ka paigham kiya

हर्फ़ नहीं जान-बख़्शी में उसकी ख़ूबी अपनी क़िस्मत की
हम से जो पहले कह भेजा सो मरने का पैग़ाम किया

ناحق ہم مجبوروں پر یہ تہمت ہے مختاری کی
چاہتے ہیں سو آپ کریں ہیں ہم کو عبث بدنام کیا

Nahaq hum majbooron par ye tohmat hai mukhtari ki
Chahte hain so aap karein hain hum ko abas badnaam kiya

नाहक़ हम मजबूरों पर ये तोहमत है मुख़्तारी की
चाहते हैं सो आप करें हैं हम को अबस बदनाम किया

سارے رند اوباش جہاں کے تجھ سے سجود میں رہتے ہیں
بانکے ٹیڑھے ترچھے تیکھے سب کا تجھ کو امام کیا

Saare rind-o-aubash jahan ke tujh se sujud mein rehte hain
Baanke tedhe tirchhe teekhe sab ka tujh ko imam kiya

सारे रिंद-ओ-औबाश जहाँ के तुझ से सुजूद में रहते हैं
बांके टेढ़े तिरछे तीखे सब का तुझ को इमाम किया

سرزد ہم سے بے ادبی تو وحشت میں بھی کم ہی ہوئی
کوسوں اس کی اور گئے پر سجدہ ہر ہر گام کیا

Sarzad hum se be-adabi to wahshat mein bhi kam hi hui
Koson uski aur gaye par sajda har har gaam kiya

सरज़द हम से बे-अदबी तो वहशत में भी कम ही हुई
कोसों उसकी ओर गए पर सजदा हर हर गाम किया

کس کا کعبہ کیسا قبلہ کون حرم ہے کیا احرام
کوچے کے اس کے باشندوں نے سب کو یہیں سے سلام کیا

Kis ka kaaba kaisa qibla kaun haram hai kya ehram
Kooche ke us ke bashindon ne sab ko yahin se salam kiya

किस का काबा कैसा क़िबला कौन हरम है क्या एहराम
कूचे के उस के बाशिंदों ने सब को यहीं से सलाम किया

شیخ جو ہے مسجد میں ننگا رات کو تھا مے خانے میں
جبہ خرقہ کرتا ٹوپی مستی میں انعام کیا

Sheikh jo hai masjid mein nanga raat ko tha maikhane mein
Jubba khirqa kurta topi masti mein inaam kiya

शेख़ जो है मस्जिद में नंगा रात को था मयख़ाने में
जुब्बा ख़िरक़ा कुर्ता टोपी मस्ती में इनाम किया

کاش اب برقعہ منہ سے اٹھا دے ورنہ پھر کیا حاصل ہے
آنکھ مندے پر ان نے گو دیدار کو اپنے عام کیا

Kaash ab burqa munh se utha de warna phir kya haasil hai
Aankh moonde par un ne go deedar ko apne aam kiya

काश अब बुरक़ा मुँह से उठा दे वर्ना फिर क्या हासिल है
आँख मूँदे पर उन ने गो दीदार को अपने आम किया

یاں کے سپید و سیہ میں ہم کو دخل جو ہے سو اتنا ہے
رات کو رو رو صبح کیا یا دن کو جوں توں شام کیا

Ya'n ke sufaid-o-siyah mein hum ko dakhl jo hai so itna hai
Raat ko ro ro subah kiya ya din ko joon toon shaam kiya

याँ के सुफ़ैद-ओ-सियह में हम को दख़ल जो है सो इतना है
रात को रो रो सुबह किया या दिन को जूँ तूँ शाम किया

صبح چمن میں اس کو کہیں تکلیف ہوا لے آئی تھی
رخ سے گل کو مول لیا قامت سے سرو غلام کیا

Subah chaman mein us ko kahin takleef-e-hawa le aayi thi
Rukh se gul ko mol liya qamat se sarv ghulam kiya

सुबह चमन में उस को कहीं तकलीफ़-ए-हवा ले आई थी
रुख़ से गुल को मोल लिया क़ामत से सर्व ग़ुलाम किया

ساعد سیمیں دونوں اس کے ہاتھ میں لا کر چھوڑ دیئے
بھولے اس کے قول و قسم پر ہائے خیال خام کیا

Sa'ad-e-seemeen donon us ke haath mein la kar chhod diye
Bhoole us ke qaul-o-qasam par haye khayal-e-khaam kiya

साइद-ए-सीमीं दोनों उस के हाथ में ला कर छोड़ दिये
भूले उस के क़ौल-ओ-क़सम पर हाय ख़याल-ए-ख़ाम किया

کام ہوئے ہیں سارے ضائع ہر ساعت کی سماجت سے
استغنا کی چوگنی ان نے جوں جوں میں ابرام کیا

Kaam hue hain saare zaya har sa'at ki samajat se
Istighna ki chauguni un ne joon joon mein ibraam kiya

काम हुए हैं सारे ज़ाया हर साअत की समाजत से
इस्तग़ना की चौगुनी उन ने जूँ जूँ में इबराम किया

ایسے آہوئے رم خوردہ کی وحشت کھونی مشکل تھی
سحر کیا اعجاز کیا جن لوگوں نے تجھ کو رام کیا

Jaise aahu-e-ram-khorda ki wahshat khoni mushkil thi
Sahar kiya a'ajaz kiya jin logon ne tujh ko raam kiya

ऐसे आहू-ए-रम-ख़ोर्दा की वहशत खोनी मुश्किल थी
सहर किया एजाज़ किया जिन लोगों ने तुझ को राम किया

میرؔ کے دین و مذہب کو اب پوچھتے کیا ہو ان نے تو
قشقہ کھینچا دیر میں بیٹھا کب کا ترک اسلام کیا

Mir ke deen-o-mazhab ko ab poochte kya ho un ne to
Qashqa kheencha dair mein baitha kab ka tark-e-islam kiya

मीर के दीन-ओ-मज़हब को अब पूछते क्या हो उन ने तो
क़श्क़ा खींचा दैर में बैठा कब का तर्क-ए-इस्लाम किया