اس کا خیال چشم سے شب خواب لے گیا
قسمے کہ عشق جی سے مرے تاب لے گیا

Us ka khayal chashm se shab khwab le gaya
Qasme ke ishq jee se mere taab le gaya

उस का ख़याल चश्म से शब ख़्वाब ले गया
क़समे कि इश्क़ जी से मेरे ताब ले गया

کن نیندوں اب تو سوتی ہے اے چشم گریہ ناک
مژگاں تو کھول شہر کو سیلاب لے گیا

Kin neendon ab to soti hai ae chashm-e-girya-naak
Mizgaan to khol shehar ko sailaab le gaya

किन नींदों अब तो सोती है ऐ चश्म-ए-गिर्या-नाक
मिज़्गां तो खोल शहर को सैलाब ले गया

آوے جو مصطبہ میں تو سن لو کہ راہ سے
واعظ کو ایک جام مئے ناب لے گیا

Aave jo mastaba mein to sun lo ke raah se
Waaiz ko ek jaam-e-mai-e-naab le gaya

आवे जो मसतबा में तो सुन लो कि राह से
वाइज़ को एक जाम-ए-मय-ए-नाब ले गया

نے دل رہا بجا ہے نہ صبر و حواس و ہوش
آیا جو سیل عشق سب اسباب لے گیا

Ne dil raha baja hai na sabr-o-hawas-o-hosh
Aaya jo sail-e-ishq sab asbaab le gaya

ने दिल रहा बजा है ना सब्र-ओ-हवास-ओ-होश
आया जो सैल-ए-इश्क़ सब असबाब ले गया

میرے حضور شمع نے گریہ جو سر کیا
رویا میں اس قدر کہ مجھے آب لے گیا

Mere huzoor shama ne girya jo sar kiya
Royaa main is qadar ke mujhe aab le gaya

मेरे हुज़ूर शम्अ ने गिर्या जो सर किया
रोया मैं इस क़दर कि मुझे आब ले गया

احوال اس شکار زبوں کا ہے جائے رحم
جس ناتواں کو مفت نہ قصاب لے گیا

Ahwaal us shikaar-e-zaboon ka hai jaaye-reham
Jis naatawan ko muft na qassaab le gaya

अहवाल उस शिकार-ए-ज़बूं का है जाए-रहम
जिस नातवां को मुफ़्त न क़स्साब ले गया

منہ کی جھلک سے یار کے بے ہوش ہو گئے
شب ہم کو میرؔ پرتو مہتاب لے گیا

Munh ki jhalak se yaar ke behosh ho gaye
Shab hum ko Meer par-tau-e-mehtaab le gaya

मुँह की झलक से यार के बेहोश हो गए
शब हम को मीर परतौ-ए-मेहताब ले गया