زباں رکھ غنچہ ساں اپنے دہن میں
بندھی مٹھی چلا جا اس چمن میں

Zubaan rakh ghuncha saan apne dahan mein
Bandhi mutthi chala ja is chaman mein

ज़बाँ रख ग़ुंचा सा अपने दहन में
बंधी मुट्ठी चला जा इस चमन में

نہ کھول اے یار میرا گور میں منہ
کہ حسرت ہے مری جاگا کفن میں

Na khol ae yaar mera gor mein munh
Ke hasrat hai meri jaaga kafan mein

न खोल ऐ यार मेरा गोर में मुँह
कि हसरत है मेरी जागा कफ़न में

رکھا کر ہاتھ دل پر آہ کرتے
نہیں رہتا چراغ ایسی پون میں

Rakha kar haath dil par aah karte
Nahin rehta chiraagh aisi pawan mein

रखा कर हाथ दिल पर आह करते
नहीं रहता चराग़ ऐसी पवन में

جلے دل کی مصیبت اپنے سن کر
لگی ہے آگ سارے تن بدن میں

Jale dil ki museebat apne sun kar
Lagi hai aag saare tan badan mein

जले दिल की मुसीबत अपने सुन कर
लगी है आग सारे तन बदन में

نہ تجھ بن ہوش میں ہم آئے ساقی
مسافر ہی رہے اکثر وطن میں

Na tujh bin hosh mein hum aaye saaqi
Musaafir hi rahe aksar watan mein

न तुझ बिन होश में हम आए साक़ी
मुसाफ़िर ही रहे अक्सर वतन में

خرد مندی ہوئی زنجیر ورنہ
گزرتی خوب تھی دیوانہ پن میں

Khirad-mandi hui zanjeer warna
Guzarti khoob thi deewaana-pan mein

ख़िरद-मंदी हुई ज़ंजीर वर्ना
गुज़रती ख़ूब थी दीवाना-पन में

کہاں کے شمع و پروانے گئے مر
بہت آتش بجاں تھے اس چمن میں

Kahaan ke shama o parwaane gaye mar
Bahut aatish-bajaan the is chaman mein

कहाँ के शम्अ ओ परवाने गए मर
बहुत आतिश-बजाँ थे इस चमन में

کہاں عاجز سخن قادر سخن ہوں
ہمیں ہے شبہ یاروں کے سخن میں

Kahaan aajiz-sukhan qaadir-sukhan hoon
Hamein hai shubah yaaron ke sukhan mein

कहाँ आजिज़-सुख़न क़ादिर-सुख़न हूँ
हमें है शुबह यारों के सुख़न में

گداز عشق میں بہ بھی گیا میرؔ
یہی دھوکا سا ہے اب پیرہن میں

Gudaaz-e-ishq mein beh bhi gaya Mir
Yahi dhoka sa hai ab pairahan mein

गुदाज़-ए-इश्क़ में बह भी गया मीर
यही धोका सा है अब पैरहन में