دیکھ تو دل کہ جاں سے اٹھتا ہے
یہ دھواں سا کہاں سے اٹھتا ہے

Dekh to dil ke jaan se uthta hai
Yeh dhuwan sa kahan se uthta hai

देख तो दिल के जाँ से उठता है
यह धुआँ सा कहाँ से उठता है

گور کس دل جلے کی ہے یہ فلک
شعلہ اک صبح یاں سے اٹھتا ہے

Gor kis dil jale ki hai yeh falak
Shola ik subah yaan se uthta hai

गोर किस दिल जले की है यह फलक
शोला इक सुबह याँ से उठता है

خانۂ دل سے زینہار نہ جا
کوئی ایسے مکاں سے اٹھتا ہے

Khana-e-dil se zinhaar na ja
Koi aise makan se uthta hai

खाना-ए-दिल से ज़िन्हार न जा
कोई ऐसे मकाँ से उठता है

نالہ سر کھینچتا ہے جب میرا
شور اک آسماں سے اٹھتا ہے

Nala sar khinchta hai jab mera
Shor ik aasman se uthta hai

नाला सर खींचता है जब मेरा
शोर इक आसमाँ से उठता है

لڑتی ہے اس کی چشم شوخ جہاں
ایک آشوب واں سے اٹھتا ہے

Ladti hai us ki chashm-e-shokh jahan
Ek aashob waan se uthta hai

लड़ती है उस की चश्म-ए-शोख़ जहाँ
एक आशोब वाँ से उठता है

سدھ لے گھر کی بھی شعلۂ آواز
دود کچھ آشیاں سے اٹھتا ہے

Sudh le ghar ki bhi shola-e-aawaaz
Dood kuch aashiyan se uthta hai

सुध ले घर की भी शोला-ए-आवाज़
दूद कुछ आशियाँ से उठता है

بیٹھنے کون دے ہے پھر اس کو
جو ترے آستاں سے اٹھتا ہے

Baithne kaun de hai phir us ko
Jo tere aastan se uthta hai

बैठने कौन दे है फिर उस को
जो तिरे आस्ताँ से उठता है

یوں اٹھے آہ اس گلی سے ہم
جیسے کوئی جہاں سے اٹھتا ہے

Yun uthe aah is gali se hum
Jaise koi jahan se uthta hai

यूँ उठे आह इस गली से हम
जैसे कोई जहाँ से उठता है

عشق اک میرؔ بھاری پتھر ہے
کب یہ تجھ نا تواں سے اٹھتا ہے

Ishq ik Mir bhari patthar hai
Kab yeh tujh na-tawan se uthta hai

इश्क़ इक मीर भारी पत्थर है
कब यह तुझ ना-तवाँ से उठता है