بیتابیوں میں تنگ ہم آئے ہیں جان سے
وقت شکیب خوش کہ گیا درمیان سے

Betaabiyon mein tang hum aaye hain jaan se
Waqt-e-shakeb khush ke gaya darmiyan se

बेताबियों में तंग हम आए हैं जान से
वक़्त-ए-शकेब ख़ुश कि गया दरमियान से

داغ فراق و حسرت‌ وصل آرزوئے دید
کیا کیا لیے گئے ترے عاشق جہان سے

Daagh-e-firaaq-o-hasrat-e-wasl aarzoo-e-deed
Kya kya liye gaye tere aashiq jahaan se

दाग़-ए-फ़िराक़-ओ-हसरत-ए-वस्ल आरज़ू-ए-दीद
क्या क्या लिए गए तिरे आशिक़ जहान से

ہم خامشوں کا ذکر تھا شب اس کی بزم میں
نکلا نہ حرف خیر کسو کی زبان سے

Hum khaamoshon ka zikr tha shab uss ki bazm mein
Nikla na harf-e-khair kisu ki zabaan se

हम ख़ामोशों का ज़िक्र था शब उस की बज़्म में
निकला न हर्फ़-ए-ख़ैर किसू की ज़बान से

آب خضر سے بھی نہ گئی سوزش جگر
کیا جانیے یہ آگ ہے کس دودمان سے

Aab-e-khizr se bhi na gayi sozish-e-jigar
Kya jaaniye yeh aag hai kis doodmaan se

आब-ए-ख़िज़्र से भी न गई सोज़िश-ए-जिगर
क्या जानिए ये आग है किस दूदमान से

جز عشق جنگ دہر سے مت پڑھ کہ خوش ہیں ہم
اس قصے کی کتاب میں اس داستان سے

Juz ishq jang-e-dehr se mat padh ke khush hain hum
Iss qisse ki kitaab mein uss daastaan se

जुज़ इश्क़ जंग-ए-दहर से मत पढ़ कि ख़ुश हैं हम
इस क़िस्से की किताब में उस दास्तान से

آنے کا اس چمن میں سبب بیکلی ہوئی
جوں برق ہم تڑپ کے گرے آشیان سے

Aane ka iss chaman mein sabab bekali hui
Juun barq hum tadap ke gire aashiyaan se

आने का इस चमन में सबब बेकली हुई
जूं बर्क़ हम तड़प के गिरे आशियाँ से

اب چھیڑ یہ رکھی ہے کہ عاشق ہے تو کہیں
القصہ خوش گزرتی ہے اس بد گمان سے

Ab chhed yeh rakhi hai ke aashiq hai tu kahin
Al-qissa khush guzarti hai uss bad-gumaan se

अब छेड़ ये रखी है कि आशिक़ है तू कहीं
अल-क़िस्सा ख़ुश गुज़रती है उस बद-गुमान से

کینے کی میرے تجھ سے نہ چاہے گا کوئی داد
میں کہہ مروں گا اپنے ہر اک مہربان سے

Keene ki mere tujh se na chaahega koi daad
Main keh marunga apne har ik meherbaan se

कीने की मेरे तुझ से न चाहेगा कोई दाद
मैं कह मरूँगा अपने हर इक मेहरबान से

داغوں سے ہے چمن جگر میرؔ دہر میں
ان نے بھی گل چنے بہت اس گلستان سے

Daaghon se hai chaman jigar 'Mir' dehr mein
Un ne bhi gul chune bahut uss gulistaan se

दाग़ों से है चमन जिगर 'मीर' दहर में
उन ने भी गुल चुने बहुत उस गुलिस्तान से