گل شرم سے بہہ جائے گا گلشن میں ہو کر آب سا
برقعے سے گر نکلا کہیں چہرہ ترا مہتاب سا

Gul sharm se beh jaayega gulshan mein ho kar aab sa
Burqe se gar nikla kahin chehra tera mahtaab sa

गुल शर्म से बह जाएगा गुलशन में हो कर आब सा
बुरक़े से गर निकला कहीं चेहरा तेरा महताब सा

گل برگ کا یہ رنگ ہے مرجاں کا ایسا ڈھنگ ہے
دیکھو نہ جھمکے ہے پڑا وہ ہونٹ لعل ناب سا

Gul barg ka yeh rang hai marjaan ka aisa dhang hai
Dekho na jhamke hai pada woh honth laal-e-naab sa

गुल बर्ग का यह रंग है मरजां का ऐसा ढंग है
देखो न झमके है पड़ा वो होंठ ला'ल-ए-नाब सा

وہ مایۂ جاں تو کہیں پیدا نہیں جوں کیمیا
میں شوق کی افراط سے بیتاب ہوں سیماب سا

Woh maaya-e-jaan to kahin paida nahin joon keemiya
Main shauq ki afraat se betaab hoon seemaab sa

वो माया-ए-जाँ तो कहीं पैदा नहीं जूं कीमिया
मैं शौक़ की अफ़रात से बेताब हूँ सीमाब सा

دل تاب ہی لایا نہ ٹک تا یاد رہتا ہم نشیں
اب عیش روز وصل کا ہے جی میں بھولا خواب سا

Dil taab hi laaya na tuk ta yaad rehta ham-nasheen
Ab aish-e-roz-e-wasl ka hai jee mein bhoola khwaab sa

दिल ताब ही लाया न टुक ता याद रहता हम-नशीं
अब ऐश-ए-रोज़-ए-वस्ल का है जी में भूला ख़्वाब सा

سناہٹے میں جان کے ہوش و حواس و دم نہ تھا
اسباب سارا لے گیا آیا تھا اک سیلاب سا

Sanaahate mein jaan ke hosh o hawaas o dam na tha
Asbaab saara le gaya aaya tha ik sailaab sa

सनाहटे में जान के होश ओ हवास ओ दम न था
असबाब सारा ले गया आया था इक सैलाब सा

ہم سرکشی سے مدتوں مسجد سے بچ بچ کر چلے
اب سجدے ہی میں گزرے ہے قد جو ہوا محراب سا

Hum sarkashi se muddaton masjid se bach bach kar chale
Ab sajde hi mein guzre hai qad jo hua mehraab sa

हम सरकशी से मुद्दतों मस्जिद से बच बच कर चले
अब सजदे ही में गुज़रे है क़द जो हुआ मेहराब सा

تھی عشق کی وہ ابتدا جو موج سی اٹھی کبھو
اب دیدۂ تر کو جو تم دیکھو تو ہے گرداب سا

Thi ishq ki woh ibtida jo mauj si uthi kabhu
Ab deeda-e-tar ko jo tum dekho to hai girdaab sa

थी इश्क़ की वो इब्तिदा जो मौज सी उठी कभू
अब दीदा-ए-तर को जो तुम देखो तो है गिर्दाब सा

بہکے جو ہم مست آ گئے سو بار مسجد سے اٹھا
واعظ کو مارے خوف کے کل لگ گیا جلاب سا

Behke jo hum mast aa gaye so baar masjid se utha
Waaiz ko maare khauf ke kal lag gaya julaab sa

बहके जो हम मस्त आ गए सो बार मस्जिद से उठा
वाइज़ को मारे ख़ौफ़ के कल लग गया जुलाब सा

رکھ ہاتھ دل پر میرؔ کے دریافت کر کیا حال ہے
رہتا ہے اکثر یہ جواں کچھ ان دنوں بیتاب سا

Rakh haath dil par 'Meer' ke daryaaft kar kya haal hai
Rehta hai aksar yeh jawaan kuch in dinon betaab sa

रख हाथ दिल पर 'मीर' के दरयाफ़्त कर क्या हाल है
रहता है अक्सर यह जवाँ कुछ इन दिनों बेताब सा