میرؔ دریا ہے سنے شعر زبانی اس کی
اللہ اللہ رے طبیعت کی روانی اس کی

Meer dariya hai sunay sher zabani uski
Allah Allah ray tabiyat ki rawani uski

मीरؔ दरिया है सुने शेर ज़ुबानी उसकी
अल्लाह अल्लाह रे तबीयत की रवानी उसकी

خاطر بادیہ سے دیر میں جاوے گی کہیں
خاک مانند بگولے کے اڑانی اس کی

Khatir-e-badiya say dair mein jaaway gi kahin
Khaak manind-e-bagolay kay urani uski

खातिर-ए-बादिया से देर में जावेगी कहीं
ख़ाक मानिंद-ए-बग़ोले के उड़ानी उसकी

ایک ہے عہد میں اپنے وہ پراگندہ مزاج
اپنی آنکھوں میں نہ آیا کوئی ثانی اس کی

Ek hai ehd mein apnay woh paraganda mizaaj
Apni aankhon mein na aaya koi sani uski

एक है अहद में अपने वो परागंदा मिज़ाज
अपनी आँखों में न आया कोई सानी उसकी

مینہ تو بوچھار کا دیکھا ہے برستے تم نے
اسی انداز سے تھی اشک فشانی اس کی

Meena toh bochaar ka dekha hai barastay tum nay
Usi andaaz say thi ashk-fishani uski

मीना तो बौछार का देखा है बरसते तुम ने
उसी अंदाज़ से थी अश्क-फ़िशानी उसकी

بات کی طرز کو دیکھو تو کوئی جادو تھا
پر ملی خاک میں کیا سحر بیانی اس کی

Baat ki tarz ko dekho toh koi jaadu tha
Par mili khaak mein kya sahr-bayani uski

बात की तर्ज़ को देखो तो कोई जादू था
पर मिली ख़ाक में क्या सहर-बयानी उसकी

کر کے تعویذ رکھیں اس کو بہت بھاتی ہے
وہ نظر پاؤں پہ وہ بات دوانی اس کی

Kar kay taweez rakhein us ko bohat bhati hai
Woh nazar paon pay woh baat diwani uski

कर के तअवीज़ रखें उस को बहुत भाती है
वो नज़र पाँव पे वो बात दीवानी उसकी

اس کا وہ عجز تمہارا یہ غرور خوبی
منتیں ان نے بہت کیں پہ نہ مانی اس کی

Us ka woh aajz tumhara yeh ghuroor-e-khoobi
Minnatain un nay bohat keen peh na mani uski

उस का वो आज़ज़ तुम्हारा ये ग़ुरूर-ए-ख़ूबी
मिन्नतें उन ने बहुत कीं पे न मानी उसकी

کچھ لکھا ہے تجھے ہر برگ پہ اے رشک بہار
رقعہ واریں ہیں یہ اوراق خزانی اس کی

Kuch likha hai tujhay har barg pay ay rashk-e-bahaar
Ruqqa-warein hain yeh au-raaq-e-khizani uski

कुछ लिखा है तुझे हर बर्ग पे ऐ रश्क-ए-बहार
रुक़अ-वारें हैं ये औराक़-ए-ख़िज़ानी उसकी

سرگزشت اپنی کس اندوہ سے شب کہتا تھا
سو گئے تم نہ سنی آہ کہانی اس کی

Sarguzasht apni kis andooh say shab kehta tha
So gaye tum na suni aah-e-kahani uski

सरगुज़श्त अपनी किस अंदोह से शब कहता था
सो गए तुम न सुनी आह-ए-कहानी उसकी

مرثیے دل کے کئی کہہ کے دیئے لوگوں کو
شہر دلی میں ہے سب پاس نشانی اس کی

Marsiyay dil kay kayi keh kay diyay logon ko
Shahar-e-Dilli mein hai sab paas nishani uski

मरसिये दिल के कई कह के दिए लोगों को
शहर-ए-दिल्ल़ी में है सब पास निशानी उसकी

میان سے نکلی ہی پڑتی تھی تمہاری تلوار
کیا عوض چاہ کا تھا خصمی جانی اس کی

Miyaan say nikli hi padti thi tumhari talwar
Kya awaz-e-chah ka tha khusmi-e-jani uski

मियान से निकली ही पड़ती थी तुम्हारी तलवार
क्या अवाज़-ए-चाह का था ख़समी-ए-जानी उसकी

آبلے کی سی طرح ٹھیس لگی پھوٹ بہے
دردمندی میں گئی ساری جوانی اس کی

Aablay ki si tarah thees lagi phoot bahay
Dard-mandi mein gayi saari jawani uski

आबले की सी तरह थीस लगी फूट बहे
दरदमंदी में गई सारी जवानी उसकी

اب گئے اس کے جز افسوس نہیں کچھ حاصل
حیف صد حیف کہ کچھ قدر نہ جانی اس کی

Ab gaye us kay juz afsos nahin kuch haasil
Hai-f sad hai-f keh kuch qadr na jaani uski

अब गए उस के जुज़ अफ़सोस नहीं कुछ हासिल
हैफ़ सद हैफ़ कि कुछ क़द्र न जानी उसकी