کہیں پہنچو بھی مجھ بے پا و سر تک
کہ پہنچا شمع ساں داغ اب جگر تک

Kahin pahuncho bhi mujh be-pa-o-sar tak
Ke pahuncha shama-saan daagh ab jigar tak

कहीं पहुँचो भी मुझ बे-पा-ओ-सर तक
कि पहुँचा शम्अ-साँ दाग़ अब जिगर तक

کچھ اپنی آنکھ میں یاں کا نہ آیا
خذف سے لے کے دیکھا در تر تک

Kuchh apni aankh mein yaan ka na aaya
Khazaf se le ke dekha durr-e-tar tak

कुछ अपनी आँख में याँ का न आया
ख़ज़फ़ से ले के देखा दुर्र-ए-तर तक

جسے شب آگ سا دیکھا سلگتے
اسے پھر خاک ہی پایا سحر تک

Jise shab aag sa dekha sulagte
Use phir khaak hi paaya sahar tak

जिसे शब आग सा देखा सुलगते
उसे फिर ख़ाक ही पाया सहर तक

ترا منہ چاند سا دیکھا ہے شاید
کہ انجم رہتے ہیں ہر شب ادھر تک

Tera munh chaand sa dekha hai shaayad
Ke anjum rehte hain har shab idhar tak

तिरा मुँह चाँद सा देखा है शायद
कि अंजुम रहते हैं हर शब इधर तक

جب آیا آہ تب اپنے ہی سر پر
گیا یہ ہاتھ کب اس کی کمر تک

Jab aaya aah tab apne hi sar par
Gaya yeh haath kab us ki kamar tak

जब आया आह तब अपने ही सर पर
गया ये हाथ कब उस की कमर तक

ہم آوازوں کو سیر اب کی مبارک
پر و بال اپنے بھی ایسے تھے پر تک

Hum-aawaazon ko sair ab ki mubarak
Par-o-baal apne bhi aise the par tak

हम-आवाज़ों को सैर अब की मुबारक
पर-ओ-बाल अपने भी ऐसे थे पर तक

کھنچی کیا کیا خرابی زیر دیوار
ولے آیا نہ وہ ٹک گھر سے در تک

Khinchi kya kya kharaabi zer-e-deewar
Wale aaya na woh tuk ghar se dar tak

खिंची क्या क्या ख़राबी ज़ेर-ए-दीवार
वले आया न वो टुक घर से दर तक

گلی تک تیری لایا تھا ہمیں شوق
کہاں طاقت کہ اب پھر جائیں گھر تک

Gali tak teri laaya tha hamein shauq
Kahan taaqat ke ab phir jaaein ghar tak

गली तक तेरी लाया था हमें शौक़
कहाँ ताक़त कि अब फिर जाएँ घर तक

یہی درد جدائی ہے جو اس شب
تو آتا ہے جگر مژگان تر تک

Yahi dard-e-judaai hai jo is shab
To aata hai jigar muzhgaan-e-tar tak

यही दर्द-ए-जुदाई है जो इस शब
तो आता है जिगर मिज़्गान-ए-तर तक

دکھائی دیں گے ہم میت کے رنگوں
اگر رہ جائیں گے جیتے سحر تک

Dikhaai denge hum mayyat ke rangon
Agar reh jaayenge jeete sahar tak

दिखाई देंगे हम मय्यत के रंगों
अगर रह जाएँगे जीते सहर तक

کہاں پھر شور شیون جب گیا میرؔ
یہ ہنگامہ ہے اس ہی نوحہ گر تک

Kahan phir shor-e-shevan jab gaya Meer
Yeh hangaama hai is hi nauha-gar tak

कहाँ फिर शोर-ए-शेवन जब गया मीर
ये हंगामा है इस ही नौहा-गर तक