سوزش دل سے مفت گلتے ہیں
داغ جیسے چراغ جلتے ہیں

Sozish-e-dil se muft gulte hain
Daagh jaise charaagh jalte hain

सोज़िश-ए-दिल से मुफ़्त गुलते हैं
दाग़ जैसे चराग़ जलते हैं

اس طرح دل گیا کہ اب تک ہم
بیٹھے روتے ہیں ہاتھ ملتے ہیں

Is tarah dil gaya ke ab tak hum
Baithe rote hain haath malte hain

इस तरह दिल गया कि अब तक हम
बैठे रोते हैं हाथ मलते हैं

بھری آتی ہیں آج یوں آنکھیں
جیسے دریا کہیں ابلتے ہیں

Bhari aati hain aaj yoon aankhein
Jaise dariya kahin ubalte hain

भरी आती हैं आज यूं आँखें
जैसे दरिया कहीं उबलते हैं

دم آخر ہے بیٹھ جا مت جا
صبر کر ٹک کہ ہم بھی چلتے ہیں

Dam-e-aakhir hai baith ja mat ja
Sabr kar tuk ke hum bhi chalte hain

दम-ए-आख़िर है बैठ जा मत जा
सब्र कर टुक कि हम भी चलते हैं

تیرے بے خود جو ہیں سو کیا چیتیں
ایسے ڈوبے کہیں اچھلتے ہیں

Tere be-khud jo hain so kya cheetain
Aise doobe kahin uchhalte hain

तेरे बे-ख़ुद जो हैं सो क्या चेतें
ऐसे डूबे कहीं उछलते हैं

فتنہ در سر بتان حشر خرام
ہائے رے کس ٹھسک سے چلتے ہیں

Fitna dar sar butaan-e-hashr-khiraam
Haaye re kis thusak se chalte hain

फ़ित्ना दर सर बुतान-ए-हश्र-ख़िराम
हाए रे किस ठसक से चलते हैं

نظر اٹھتی نہیں کہ جب خوباں
سوتے سے اٹھ کے آنکھ ملتے ہیں

Nazar uthti nahin ke jab khoobaan
Sote se uth ke aankh malte hain

नज़र उठती नहीं कि जब ख़ूबां
सोते से उठ के आँख मलते हैं

اس سر زلف کا خیال نہ چھوڑ
سانپ کے سر ہی یاں کچلتے ہیں

Is sar-e-zulf ka khayaal na chhod
Saanp ke sar hi yaan kuchalte hain

इस सर-ए-ज़ुल्फ़ का ख़याल न छोड़
साँप के सर ही याँ कुचलते हैं

تھے جو اغیار سنگ سینے کے
اب تو کچھ ہم کو دیکھ ٹلتے ہیں

The jo aghyaar sang-e-seene ke
Ab to kuchh hum ko dekh talte hain

थे जो अग़्यार संग-ए-सीने के
अब तो कुछ हम को देख टलते हैं

شمع رو موم کے بنے ہیں مگر
گرم ٹک ملیے تو پگھلتے ہیں

Shama-roo mom ke bane hain magar
Garm tuk miliye to pighalte hain

शमा-रू मोम के बने हैं मगर
गर्म टुक मिलिए तो पिघलते हैं

میرؔ صاحب کو دیکھیے جو بنے
اب بہت گھر سے کم نکلتے ہیں

Meer sahib ko dekhiye jo bane
Ab bahut ghar se kam nikalte hain

मीर साहब को देखिए जो बने
अब बहुत घर से कम निकलते हैं