ہے حال جائے گریہ جان پر آرزو کا
روئے نہ ہم کبھو ٹک دامن پکڑ کسو کا

Hai haal jaae giriya jaan par aarzoo ka
Roye na hum kabhu tuk daaman pakad kasu ka

है हाल जाए गिर्यः जान पर आरज़ू का
रोए न हम कभूँ टुक दामन पकड़ कसू का

جاتی نہیں اٹھائی اپنے پہ یہ خشونت
اب رہ گیا ہے آنا میرا کبھو کبھو کا

Jaati nahin uthaai apne pe yeh khushunat
Ab reh gaya hai aana mera kabhu kabhu ka

जाती नहीं उठाई अपने पे यह ख़ुशूनत
अब रह गया है आना मेरा कभूँ कभूँ का

اس آستاں سے کس دن پر شور سر نہ پٹکا
اس کی گلی میں جا کر کس رات میں نہ کوکا

Us aastaan se kis din pur-shor sar na patka
Us ki gali mein ja kar kis raat mein na kooka

उस आस्ताँ से किस दिन पुर-शोर सर न पटका
उस की गली में जा कर किस रात में न कूका

شاید کہ مند گئی ہے قمری کی چشم گریاں
کچھ ٹوٹ سا چلا ہے پانی چمن کی جو کا

Shaayad ke mund gayi hai qumri ki chashm-e-giriyaan
Kuch toot sa chala hai paani chaman ki joo ka

शायद कि मुंद गई है क़ुमरी की चश्म-ए-गिर्यां
कुछ टूट सा चला है पानी चमन की जू का

اپنے تڑپنے کی تو تدبیر پہلے کر لوں
تب فکر میں کروں گا زخموں کے بھی رفو کا

Apne tadapne ki to tadbeer pehle kar loon
Tab fikr mein karunga zakhmon ke bhi rafu ka

अपने तड़पने की तो तदबीर पहले कर लूँ
तब फ़िक्र में करूँगा ज़ख़्मों के भी रफ़ू का

دانتوں کی نظم اس کے ہنسنے میں جن نے دیکھی
پھر موتیوں کی لڑ پر ان نے کبھو نہ تھوکا

Daanton ki nazm us ke hansne mein jin ne dekhi
Phir motiyon ki lad par un ne kabhu na thooka

दाँतों की नज़्म उस के हँसने में जिन ने देखी
फिर मोतियों की लड़ पर उन ने कभूँ न थूका

یہ عیش گہ نہیں ہے یاں رنگ اور کچھ ہے
ہر گل ہے اس چمن میں ساغر بھرا لہو کا

Yeh aish-gah nahin hai yaan rang aur kuch hai
Har gul hai is chaman mein saaghar bhara lahu ka

यह ऐश-गह नहीं है याँ रंग और कुछ है
हर गुल है इस चमन में साग़र भरा लहू का

بلبل غزل سرائی آگے ہمارے مت کر
سب ہم سے سیکھتے ہیں انداز گفتگو کا

Bulbul ghazal-saraai aage hamaare mat kar
Sab hum se seekhte hain andaaz-e-guftugu ka

बुलबुल ग़ज़ल-सराई आगे हमारे मत कर
सब हम से सीखते हैं अंदाज़-ए-गुफ़्तगू का

گلیاں بھری پڑی ہیں اے باد زخمیوں سے
مت کھول پیچ ظالم اس زلف مشک بو کا

Galiyaan bhari padi hain ae baad zakhmiyon se
Mat khol pech zaalim is zulf-e-mushk-boo ka

गलियाँ भरी पड़ी हैं ऐ बाद ज़ख़्मियों से
मत खोल पेच ज़ालिम इस ज़ुल्फ़-ए-मुश्क-बू का

وے پہلی التفاتیں ساری فریب نکلیں
دینا نہ تھا دل اس کو میں میرؔ آہ چوکا

Ve pehli iltifaatein saari fareb nikleen
Dena na tha dil us ko main Mir aah chooka

वे पहली इल्तिफ़ातें सारी फ़रेब निकलीं
देना न था दिल उस को मैं 'मीर' आह चूका