جیتے جی کوچۂ دل دار سے جایا نہ گیا
اس کی دیوار کا سر سے مرے سایہ نہ گیا

Jeete jee kooche-e-dil-dar se jaya na gaya
Is ki deewar ka sar se mere saya na gaya

जीते जी कूचए-दिल-दार से जाया न गया
इस की दीवार का सर से मेरे साया न गया

کاو کاو مژۂ یار و دل زار و نزار
گتھ گئے ایسے شتابی کہ چھڑایا نہ گیا

Kao-kao-e-muzhgan-e-yaar-o-dil-e-zar-o-nizar
Guth gaye aise shatabi ki churaya na gaya

काव-काव-ए-मुज़्गान-ए-यार-ओ-दिल-ए-ज़ार-ओ-नज़ार
गुत्थ गए ऐसे शिताबी कि छुड़ाया न गया

وہ تو کل دیر تلک دیکھتا ایدھر کو رہا
ہم سے ہی حال تباہ اپنا دکھایا نہ گیا

Woh to kal der talak dekhta idhar ko raha
Ham se hi haal-e-tabah apna dikhaya na gaya

वह तो कल देर तलक देखता इधर को रहा
हम से ही हाल-ए-तबाह अपना दिखाया न गया

گرم رو راہ فنا کا نہیں ہو سکتا پتنگ
اس سے تو شمع نمط سر بھی کٹایا نہ گیا

Garm-rau rah-e-fana ka nahin ho sakta patang
Is se to shama-namat sar bhi kataya na gaya

गर्म-रौ राह-ए-फ़ना का नहीं हो सकता पतंग
इस से तो शम्अ-नमत सर भी कटाया न गया

پاس ناموس محبت تھا کہ فرہاد کے پاس
بے ستوں سامنے سے اپنے اٹھایا نہ گیا

Paas-e-namoos-e-mohabbat tha ki Farhad ke paas
Be-satoon saamne se apne uthaya na gaya

पास-ए-नामूस-ए-मोहब्बत था कि फ़रहाद के पास
बे-सतून सामने से अपने उठाया न गया

خاک تک کوچۂ دل دار کی چھانی ہم نے
جستجو کی پہ دل گم شدہ پایا نہ گیا

Khak tak kooche-e-dil-dar ki chhani hum ne
Justuju ki pe dil-e-gum-shuda paya na gaya

ख़ाक तक कूचए-दिल-दार की छानी हम ने
जुस्तजू की पे दिल-ए-गुम-शुदा पाया न गया

آتش تیز جدائی میں یکایک اس بن
دل جلا یوں کہ تنک جی بھی جلایا نہ گیا

Aatish-e-tez-e-judai mein yak-a-yak is bin
Dil jala yun ki tunuk jee bhi jalaya na gaya

आतिश-ए-तेज़-ए-जुदाई में यकायक इस बिन
दिल जला यूँ कि तुनुक जी भी जलाया न गया

مہ نے آ سامنے شب یاد دلایا تھا اسے
پھر وہ تا صبح مرے جی سے بھلایا نہ گیا

Mah ne aa saamne shab yaad dilaya tha use
Phir woh ta-subah mere jee se bhulaya na gaya

मह ने आ सामने शब याद दिलाया था उसे
फिर वह ता-सुबह मेरे जी से भुलाया न गया

زیر شمشیر ستم میرؔ تڑپنا کیسا
سر بھی تسلیم محبت میں ہلایا نہ گیا

Zer-e-shamshir-e-sitam Mir tadapna kaisa
Sar bhi tasleem-e-mohabbat mein hilaya na gaya

ज़ेर-ए-शमशीर-ए-सितम मीर तड़पना कैसा
सर भी तस्लीम-ए-मोहब्बत में हिलाया न गया

جی میں آتا ہے کہ کچھ اور بھی موزوں کیجے
درد دل ایک غزل میں تو سنایا نہ گیا

Jee mein aata hai ki kuch aur bhi mauzoon kije
Dard-e-dil ek ghazal mein to sunaya na gaya

जी में आता है कि कुछ और भी मौज़ूं कीजे
दर्द-ए-दिल एक ग़ज़ल में तो सुनाया न गया