جب رونے بیٹھتا ہوں تب کیا کسر رہے ہے
رومال دو دو دن تک جوں ابر تر رہے ہے

Jab rone baithta hoon tab kya kasar rahe hai
Rumal do do din tak joon abr-e-tar rahe hai

जब रोने बैठता हूँ तब क्या कसर रहे है
रूमाल दो दो दिन तक जूँ अब्र-ए-तर रहे है

آہ سحر کی میری برچھی کے وسوسے سے
خورشید کے منہ اوپر اکثر سپر رہے ہے

Aah-e-sahar ki meri barchhi ke waswase se
Khursheed ke munh oopar aksar sipar rahe hai

आह-ए-सहर की मेरी बरछी के वसवसे से
ख़ुर्शीद के मुँह ऊपर अक्सर सिपर रहे है

آگہ تو رہیے اس کی طرز رہ و روش سے
آنے میں اس کے لیکن کس کو خبر رہے ہے

Aagah to rahiye uski tarz-e-rah-o-rawish se
Aane mein uske lekin kisko khabar rahe hai

आगाह तो रहिए उसकी तर्ज़-ए-राह-ओ-रविश से
आने में उसके लेकिन किसको ख़बर रहे है

ان روزوں اتنی غفلت اچھی نہیں ادھر سے
اب اضطراب ہم کو دو دو پہر رہے ہے

In rozon itni ghaflat achhi nahin idhar se
Ab iztiraab hum ko do do pehar rahe hai

इन रोज़ों इतनी ग़फ़लत अच्छी नहीं इधर से
अब इज़्तिराब हम को दो दो पहर रहे है

آب حیات کی سی ساری روش ہے اس کی
پر جب وہ اٹھ چلے ہے ایک آدھ مر رہے ہے

Aab-e-hayat ki si saari rawish hai uski
Par jab woh uth chale hai ek aadh mar rahe hai

आब-ए-हयात की सी सारी रविश है उसकी
पर जब वो उठ चले है एक आधा मर रहे है

تلوار اب لگا ہے بے ڈول پاس رکھنے
خون آج کل کسو کا وہ شوخ کر رہے ہے

Talwar ab laga hai be-daul paas rakhne
Khoon aaj kal kasu ka woh shokh kar rahe hai

तलवार अब लगा है बे-डौल पास रखने
ख़ून आज कल कसू का वो शोख़ कर रहे है

در سے کبھو جو آتے دیکھا ہے میں نے اس کو
تب سے ادھر ہی اکثر میری نظر رہے ہے

Dar se kabhu jo aate dekha hai main ne usko
Tab se idhar hi aksar meri nazar rahe hai

दर से कभू जो आते देखा है मैं ने उसको
तब से इधर ही अक्सर मेरी नज़र रहे है

آخر کہاں تلک ہم اک روز ہو چکیں گے
برسوں سے وعدۂ شب ہر صبح پر رہے ہے

Aakhir kahan talak hum ek roz ho chukenge
Barson se wada-e-shab har subah par rahe hai

आख़िर कहाँ तलक हम एक रोज़ हो चुकेंगे
बरसों से वअदा-ए-शब हर सुबह पर रहे है

میرؔ اب بہار آئی صحرا میں چل جنوں کر
کوئی بھی فصل گل میں نادان گھر رہے ہے

Meer ab bahaar aayi sahra mein chal junoon kar
Koi bhi fasl-e-gul mein naadaan ghar rahe hai

मीर अब बहार आई सहरा में चल जुनूँ कर
कोई भी फ़स्ल-ए-गुल में नादान घर रहे है