آئے ہیں میرؔ کافر ہو کر خدا کے گھر میں
پیشانی پر ہے قشقہ زنار ہے کمر میں

Aaye hain Meer kaafir ho kar Khuda ke ghar mein
Peshaani par hai qashqa zunnaar hai kamar mein

आए हैं मीर काफ़िर हो कर ख़ुदा के घर में
पेशानी पर है क़श्क़ा ज़ुन्नार है कमर में

نازک بدن ہے کتنا وہ شوخ چشم دلبر
جان اس کے تن کے آگے آتی نہیں نظر میں

Naazuk badan hai kitna wo shokh-chashm dilbar
Jaan us ke tan ke aage aati nahin nazar mein

नाज़ुक बदन है कितना वो शोख़-चश्म दिलबर
जान उस के तन के आगे आती नहीं नज़र में

سینے میں تیر اس کے ٹوٹے ہیں بے نہایت
سوراخ پڑ گئے ہیں سارے مرے جگر میں

Seene mein teer us ke toote hain be-nihaayat
Sooraakh pad gaye hain saare mire jigar mein

सीने में तीर उस के टूटे हैं बे-निहायात
सूराख़ पड़ गए हैं सारे मिरे जिगर में

آئندہ شام کو ہم رویا کڑھا کریں گے
مطلق اثر نہ دیکھا نالیدن سحر میں

Aayinda shaam ko hum roya kadha karenge
Mutlaq asar na dekha naale-dan-e-sahar mein

आइंदा शाम को हम रोया कढ़ा करेंगे
मुतलक़ असर न देखा नाले-दन-ए-सहर में

بے سدھ پڑا رہوں ہوں اس مست ناز بن میں
آتا ہے ہوش مجھ کو اب تو پہر پہر میں

Be-sudh pada raha hoon us mast-e-naaz ban mein
Aata hai hosh mujh ko ab to pehar pehar mein

बे-सुध पड़ा रहा हूँ उस मस्त-ए-नाज़ बन में
आता है होश मुझ को अब तो पहर पहर में

سیرت سے گفتگو ہے کیا معتبر ہے صورت
ہے ایک سوکھی لکڑی جو بو نہ ہو اگر میں

Seerat se guftagoo hai kya mo'tabar hai soorat
Hai ek sookhi lakdi jo boo na ho agar mein

सीरत से गुफ़्तगू है क्या मोतबर है सूरत
है एक सूखी लकड़ी जो बू न हो अगर में

ہمسایۂ مغاں میں مدت سے ہوں چنانچہ
اک شیرہ خانے کی ہے دیوار میرے گھر میں

Hamsaya-e-mughaan mein muddat se hoon chunaanche
Ek sheera-khaane ki hai deewar mere ghar mein

हमसाया-ए-मुग़ां में मुद्दत से हूँ चुनांचे
एक शीरा-ख़ाने की है दीवार मेरे घर में

اب صبح و شام شاید گریے پہ رنگ آوے
رہتا ہے کچھ جھمکتا خوناب چشم تر میں

Ab subh-o-shaam shaayad girye pe rang aave
Rehta hai kuch jhamakta khoonaab chashm-e-tar mein

अब सुबह-ओ-शाम शायद गिरये पे रंग आवे
रहता है कुछ झमकता ख़ूनाब चश्म-ए-तर में

عالم میں آب و گل کے کیونکر نباہ ہوگا
اسباب گر پڑا ہے سارا مرا سفر میں

Aalam mein aab-o-gil ke kyunkar nibaah hoga
Asbaab gir pada hai saara mira safar mein

आलम में आब-ओ-गिल के क्यूं-कर निबाह होगा
अस्बाब गिर पड़ा है सारा मिरा सफ़र में