کعبے میں جاں بہ لب تھے ہم دوریٔ بتاں سے
آئے ہیں پھر کے یارو اب کے خدا کے ہاں سے

Kaabe mein jaan ba-lab the hum doori-e-butaan se
Aaye hain phir ke yaaro ab ke Khuda ke haan se

काबे में जाँ-ब-लब थे हम दूरी-ए-बुताँ से
आए हैं फिर के यारो अब के ख़ुदा के हाँ से

تصویر کے سے طائر خاموش رہتے ہیں ہم
جی کچھ اچٹ گیا ہے اب نالہ و فغاں سے

Tasveer ke se taair khaamosh rehte hain hum
Jee kuch uchat gaya hai ab naala-o-fughaan se

तस्वीर के से ताइर ख़ामोश रहते हैं हम
जी कुछ उचट गया है अब नाला-ओ-फ़ुग़ाँ से

جب کوندتی ہے بجلی تب جانب گلستاں
رکھتی ہے چھیڑ میرے خاشاک آشیاں سے

Jab kaundti hai bijli tab jaanib-e-gulistaan
Rakhti hai chhed mere khaashaak-e-aashiyaan se

जब कौंदती है बिजली तब जानिब-ए-गुलिस्ताँ
रखती है छेड़ मेरे ख़ाशाक-ए-आशियाँ से

کیا خوبی اس کے منہ کی اے غنچہ نقل کریے
تو تو نہ بول ظالم بو آتی ہے وہاں سے

Kya khoobi us ke munh ki ae ghuncha naql kariye
Tu tu na bol zaalim boo aati hai wahaan se

क्या ख़ूबी उस के मुँह की ऐ ग़ुंचा नक़्ल करिये
तू तू न बोल ज़ालिम बू आती है वहाँ से

آنکھوں ہی میں رہے ہو دل سے نہیں گئے ہو
حیران ہوں یہ شوخی آئی تمہیں کہاں سے

Aankhon hi mein rahe ho dil se nahin gaye ho
Hairaan hoon yeh shokhi aayi tumhein kahaan se

आँखों ही में रहे हो दिल से नहीं गए हो
हैरान हूँ यह शोख़ी आई तुम्हें कहाँ से

سبزان باغ سارے دیکھے ہوئے ہیں اپنے
دلچسپ کاہے کو ہیں اس بے وفا جواں سے

Sabzaan-e-baagh saare dekhe hue hain apne
Dilchasp kaahe ko hain is be-wafa jawaan se

सब्ज़ान-ए-बाग़ सारे देखे हुए हैं अपने
दिलचस्प काहे को हैं इस बे-वफ़ा जवाँ से

کی شست و شوبدن کی جس دن بہت سی ان نے
دھوئے تھے ہاتھ میں نے اس دن ہی اپنی جاں سے

Ki shust-o-shoo badan ki jis din bahut si un ne
Dhoye the haath maine us din hi apni jaan se

की शुस्त-ओ-शू बदन की जिस दिन बहुत सी उन ने
धोये थे हाथ मैंने उस दिन ही अपनी जाँ से

خاموشی ہی میں ہم نے دیکھی ہے مصلحت اب
ہر یک سے حال دل کا مدت کہا زباں سے

Khaamoshi hi mein humne dekhi hai maslahat ab
Har yak se haal dil ka muddat kaha zabaan se

ख़ामोशी ही में हमने देखी है मस्लहत अब
हर यक से हाल दिल का मुद्दत कहा ज़बाँ से

اتنی بھی بد مزاجی ہر لحظہ میرؔ تم کو
الجھاؤ ہے زمیں سے جھگڑا ہے آسماں سے

Itni bhi bad-mizaaji har lahza 'Meer' tum ko
Uljhaao hai zameen se jhagda hai aasmaan se

इतनी भी बद-मिज़ाजी हर लहज़ा 'मीर' तुम को
उलझाओ है ज़मीं से झगड़ा है आसमाँ से