جن جن کو تھا یہ عشق کا آزار مر گئے
اکثر ہمارے ساتھ کے بیمار مر گئے

Jin jin ko tha yeh ishq ka aazaar mar gaye
aksar hamare saath ke beemaar mar gaye

जिन जिन को था यह इश्क़ का आज़ार मर गए
अक्सर हमारे साथ के बीमार मर गए

ہوتا نہیں ہے اس لب نوخط پہ کوئی سبز
عیسیٰ و خضر کیا سبھی یک بار مر گئے

Hota nahin hai us lab-e-nau-khat pe koi sabz
Eesa-o-Khizr kya sabhi yak baar mar gaye

होता नहीं है उस लब-ए-नौख़त पे कोई सब्ज़
ईसा-ओ-ख़िज़्र क्या सभी यक बार मर गए

یوں کانوں کان گل نے نہ جانا چمن میں آہ
سر کو پٹک کے ہم پس دیوار مر گئے

Yoon kaanon kaan gul ne na jaana chaman mein aah
Sar ko patak ke hum pas-e-deewaar mar gaye

यूँ कानों कान गुल ने न जाना चमन में आह
सर को पटक के हम पस-ए-दीवार मर गए

صد کارواں وفا ہے کوئی پوچھتا نہیں
گویا متاع دل کے خریدار مر گئے

Sad kaarwaan-e-wafa hai koi poochta nahin
goya mataa-e-dil ke khareedaar mar gaye

सद कारवां-ए-वफ़ा है कोई पूछता नहीं
गोया मता-ए-दिल के ख़रीदार मर गए

مجنوں نہ دشت میں ہے نہ فرہاد کوہ میں
تھا جن سے لطف زندگی وے یار مر گئے

Majnu na dasht mein hai na Farhaad koh mein
tha jin se lutf-e-zindagi, we yaar mar gaye

मजनूं न दश्त में है न फ़र्हाद कोह में
था जिन से लुत्फ़-ए-ज़िंदगी, वे यार मर गए

گر زندگی یہی ہے جو کرتے ہیں ہم اسیر
تو وے ہی جی گئے جو گرفتار مر گئے

Gar zindagi yahi hai jo karte hain hum aseer
to we hi jee gaye jo giraftaar mar gaye

गर ज़िंदगी यही है जो करते हैं हम असीर
तो वे ही जी गए जो गिरफ़्तार मर गए

افسوس وے شہید کہ جو قتل گاہ میں
لگتے ہی اس کے ہاتھ کی تلوار مر گئے

Afsoos we shaheed ke jo qatl-gaah mein
lagte hi us ke haath ki talwaar mar gaye

अफ़सोस वे शहीद कि जो क़त्ल-गाह में
लगते ही उस के हाथ की तलवार मर गए

تجھ سے دو چار ہونے کی حسرت کے مبتلا
جب جی ہوئے وبال تو ناچار مر گئے

Tujh se do-chaar hone ki hasrat ke mubtala
jab jee hue wabaal to naachaar mar gaye

तुझ से दो-चार होने की हसरत के मुब्तला
जब जी हुए वबाल तो नाचार मर गए

گھبرا نہ میرؔ عشق میں اس سہل زیست پر
جب بس چلا نہ کچھ تو مرے یار مر گئے

Ghabra na Meer ishq mein is sahl-zeest par
jab bas chala na kuch to mare yaar mar gaye

घबरा न मीर इश्क़ में इस सहल-ज़ीस्त पर
जब बस चला न कुछ तो मरे यार मर गए