سیر کے قابل ہے دل صد پارہ اس نخچیر کا
جس کے ہر ٹکڑے میں ہو پیوست پیکاں تیر کا

Sair ke qaabil hai dil sad-paara us nakhcheer ka
Jis ke har tukde mein ho paiwast paikaan teer ka

सैर के क़ाबिल है दिल सद-पारा उस नख़चीर का
जिस के हर टुकड़े में हो पैवस्त पैकाँ तीर का

سب کھلا باغ جہاں الا یہ حیران و خفا
جس کو دل سمجھے تھے ہم سو غنچہ تھا تصویر کا

Sab khula baagh-e-jahaan illa yeh hairaan o khafa
Jis ko dil samjhe the hum so ghuncha tha tasveer ka

सब खुला बाग़-ए-जहाँ इल्ला यह हैरान ओ ख़फ़ा
जिस को दिल समझे थे हम सो ग़ुंचा था तस्वीर का

بوئے خوں سے جی رکا جاتا ہے اے باد بہار
ہو گیا ہے چاک دل شاید کسو دلگیر کا

Boo-e-khoon se jee ruka jaata hai ae baad-e-bahaar
Ho gaya hai chaak dil shaayad kisu dilgeer ka

बू-ए-ख़ूँ से जी रुका जाता है ऐ बाद-ए-बहार
हो गया है चाक दिल शायद किसू दिलगीर का

کیونکے نقاش ازل نے نقش ابرو کا کیا
کام ہے اک تیرے منہ پر کھینچنا شمشیر کا

Kyunke naqqaash-e-azal ne naqsh-e-abru ka kiya
Kaam hai ik tere munh par kheenchna shamsheer ka

क्यूँके नक़्क़ाश-ए-अज़ल ने नक़्श-ए-अब्रू का किया
काम है इक तेरे मुँह पर खींचना शमशीर का

رہ گزر سیل حوادث کا ہے بے بنیاد دہر
اس خرابے میں نہ کرنا قصد تم تعمیر کا

Rah-guzar sail-e-hawaadis ka hai be-bunyaad dehr
Is kharaabe mein na karna qasd tum ta'ameer ka

रह-गुज़र सैल-ए-हवादिस का है बे-बुनियाद दहर
इस ख़राबे में न करना क़स्द तुम तामीर का

بس طبیب اٹھ جا مری بالیں سے مت دے درد سر
کام یاں آخر ہوا اب فائدہ تدبیر کا

Bas tabeeb uth ja miri baaleen se mat de dard-e-sar
Kaam yaan aakhir hua ab faaida tadbeer ka

बस तबीब उठ जा मिरी बालीं से मत दे दर्द-ए-सर
काम याँ आख़िर हुआ अब फ़ाएदा तदबीर का

نالہ کش ہیں عہد پیری میں بھی تیرے در پہ ہم
قد خم گشتہ ہمارا حلقہ ہے زنجیر کا

Naala-kash hain ehd-e-peeri mein bhi tere dar pe hum
Qad kham-gashta hamaara halqa hai zanjeer ka

नाला-कश हैं अहद-ए-पीरी में भी तेरे दर पे हम
क़द ख़म-गश्ता हमारा हल्क़ा है ज़ंजीर का

جو ترے کوچے میں آیا پھر وہیں گاڑا اسے
تشنۂ خوں میں تو ہوں اس خاک دامن گیر کا

Jo tere kooche mein aaya phir waheen gaada use
Tishna-e-khoon main to hoon is khaak-e-daaman-geer ka

जो तेरे कूचे में आया फिर वहीं गाड़ा उसे
तिश्ना-ए-ख़ूँ मैं तो हूँ इस ख़ाक-ए-दामन-गीर का

خون سے میرے ہوئی یک دم خوشی تم کو تو لیک
مفت میں جاتا رہا جی ایک بے تقصیر کا

Khoon se mere hui yak-dam khushi tum ko to lek
Muft mein jaata raha jee ek be-taqseer ka

ख़ून से मेरे हुई यक-दम ख़ुशी तुम को तो लेक
मुफ़्त में जाता रहा जी एक बे-तक़्सीर का

لخت دل سے جوں چھڑی پھولوں کی گوندھی ہے ولے
فائدہ کچھ اے جگر اس آہ بے تاثیر کا

Lakht-e-dil se joon chhadi phoolon ki goondhi hai wale
Faaida kuchh ae jigar is aah-e-be-taaseer ka

लख़्त-ए-दिल से जूँ छड़ी फूलों की गूँधी है वले
फ़ाएदा कुछ ऐ जिगर इस आह-ए-बे-तासीर का

گور مجنوں سے نہ جاویں گے کہیں ہم بے نوا
عیب ہے ہم میں جو چھوڑیں ڈھیر اپنے پیر کا

Gor-e-Majnoon se na jaawenge kaheen hum be-nawa
Aib hai hum mein jo chhoden dher apne peer ka

गोर-ए-मजनूँ से न जावेंगे कहीं हम बे-नवा
ऐब है हम में जो छोड़ें ढेर अपने पीर का

کس طرح سے مانیے یارو کہ یہ عاشق نہیں
رنگ اڑا جاتا ہے ٹک چہرہ تو دیکھو میرؔ کا

Kis tarah se maaniye yaaro ke yeh aashiq nahin
Rang uda jaata hai tuk chehra to dekho Mir ka

किस तरह से मानिये यारो के यह आशिक़ नहीं
रंग उड़ा जाता है टुक चेहरा तो देखो मीर का