گلا نہیں ہے ہمیں اپنی جاں گدازی کا
جگر پہ زخم ہے اس کی زباں درازی کا

Gila nahin hai hamein apni jaan-gudazi ka
Jigar pe zakhm hai us ki zubaan-darazi ka

गिला नहीं है हमें अपनी जाँ-गुदाज़ी का
जिगर पे ज़ख़्म है उस की ज़बाँ-दराज़ी का

سمند ناز نے اس کے جہاں کیا پامال
وہی ہے اب بھی اسے شوق ترک تازی کا

Samand-e-naaz ne us ke jahaan kiya paamaal
Wohi hai ab bhi use shauq-e-turk-taazi ka

समंद-ए-नाज़ ने उस के जहाँ किया पामाल
वोही है अब भी उसे शौक़-ए-तुर्क-ताज़ी का

ستم ہیں قہر ہیں لونڈے شراب خانے کے
اتار لیتے ہیں عمامہ ہر نمازی کا

Sitam hain qahr hain launday sharaab-khaane ke
Utaar lete hain amama har namazi ka

सितम हैं क़हर हैं लौंडे शराब-ख़ाने के
उतार लेते हैं अमामा हर नमाज़ी का

الٹ پلٹ مری آہ سحر کی کیا ہے کم
اگر خیال تمہیں ہووے نیزہ بازی کا

Ulat palat miri aah-e-sahar ki kya hai kam
Agar khayaal tumhein hove neza-baazi ka

उलट पलट मिरी आह-ए-सहर की क्या है कम
अगर ख़याल तुम्हें होवे नेज़ा-बाज़ी का

بتاؤ ہم سے کوئی آن تم سے کیا بگڑی
نہیں ہے تم کو سلیقہ زمانہ سازی کا

Batao ham se koi aan tum se kya bigdi
Nahin hai tum ko saleeqa zamana-saazi ka

बताओ हम से कोई आन तुम से क्या बिगड़ी
नहीं है तुम को सलीक़ा ज़माना-साज़ी का

خدا کو کام تو سونپے ہیں میں نے سب لیکن
رہے ہے خوف مجھے واں کی بے نیازی کا

Khuda ko kaam to saunpe hain main ne sab lekin
Rahe hai khauf mujhe waan ki be-niyaazi ka

ख़ुदा को काम तो सौंपे हैं मैंने सब लेकिन
रहे है ख़ौफ़ मुझे वाँ की बे-नियाज़ी का

چلو ہو راہ موافق کہے مخالف کے
طریق چھوڑ دیا تم نے دل نوازی کا

Chalo ho raah muwafiq kahe mukhalif ke
Tareeq chhod diya tum ne dil-nawazi ka

चलो हो राह मुवाफ़िक़ कहे मुख़ालिफ़ के
तरीक़ छोड़ दिया तुम ने दिल-नवाज़ी का

کسو کی بات نے آگے مرے نہ پایا رنگ
دلوں میں نقش ہے میری سخن طرازی کا

Kisu ki baat ne aage mire na paaya rang
Dilon mein naqsh hai meri sukhan-tarazi ka

किसू की बात ने आगे मिरे न पाया रंग
दिलों में नक़्श है मेरी सुख़न-तराज़ी का

بسان خاک ہو پامال راہ خلق اے میرؔ
رکھے ہے دل میں اگر قصد سرفرازی کا

Basaan-e-khaak ho paamaal raah-e-khalq ae Mir
Rakkhe hai dil mein agar qasd-e-sarfarazi ka

बिसान-ए-ख़ाक हो पामाल राह-ए-ख़ल्क़ ऐ मीर
रक्खे है दिल में अगर क़स्द-ए-सरफ़राज़ी का