پلکوں پہ تھے پارۂ جگر رات
ہم آنکھوں میں لے گئے بسر رات

Palkon pe the paara-e-jigar raat
Hum aankhon mein le gaye basar raat

पलकों पे थे पार-ए-जिगर रात
हम आँखों में ले गए बसर रात

اک دن تو وفا بھی کرتے وعدہ
گزری ہے امیدوار ہر رات

Ik din to wafa bhi karte wada
Guzri hai ummeedwaar har raat

इक दिन तो वफ़ा भी करते वादा
गुज़री है उम्मीदवार हर रात

مکھڑے سے اٹھائیں ان نے زلفیں
جانا بھی نہ ہم گئی کدھر رات

Mukhde se uthaaein un ne zulfein
Jaana bhi na hum gayi kidhar raat

मुखड़े से उठाएँ उन ने ज़ुल्फ़ें
जाना भी न हम गई किधर रात

تو پاس نہیں ہوا تو روتے
رہ رہ گئی ہے پہر پہر رات

Tu paas nahin hua to rote
Reh reh gayi hai pehar pehar raat

तू पास नहीं हुआ तो रोते
रह रह गई है पहर पहर रात

کیا دن تھے کہ خون تھا جگر میں
رو اٹھتے تھے بیٹھ دوپہر رات

Kya din the ke khoon tha jigar mein
Ro uthte the baith dopehar raat

क्या दिन थे कि ख़ून था जिगर में
रो उठते थे बैठ दोपहर रात

واں تم تو بناتے ہی رہے زلف
عاشق کی بھی یاں گئی گزر رات

Waan tum to banaate hi rahe zulf
Aashiq ki bhi yaan gayi guzar raat

वाँ तुम तो बनाते ही रहे ज़ुल्फ़
आशिक़ की भी याँ गई गुज़र रात

ساقی کے جو آنے کی خبر تھی
گزری ہمیں ساری بے خبر رات

Saaqi ke jo aane ki khabar thi
Guzri hamein saari be-khabar raat

साक़ी के जो आने की ख़बर थी
गुज़री हमें सारी बे-ख़बर रात

کیا سوز جگر کہوں میں ہمدم
آیا جو سخن زبان پر رات

Kya soz-e-jigar kahoon main hamdam
Aaya jo sukhan zabaan par raat

क्या सोज़-ए-जिगर कहूँ मैं हमदम
आया जो सुख़न ज़बान पर रात

صحبت یہ رہی کہ شمع روی
لے شام سے تا دم سحر رات

Sohbat yeh rahi ke shama royi
Le shaam se taa dam-e-sahar raat

सोहबत यह रही कि शमा रोई
ले शाम से ता दम-ए-सहर रात

کھلتی ہے جب آنکھ شب کو تجھ بن
کٹتی نہیں آتی پھر نظر رات

Khulti hai jab aankh shab ko tujh bin
Kat'ti nahin aati phir nazar raat

खुलती है जब आँख शब को तुझ बिन
कटती नहीं आती फिर नज़र रात

دن وصل کا یوں کٹا کہے تو
کاٹی ہے جدائی کی مگر رات

Din wasl ka yun kata kahe to
Kaati hai judaai ki magar raat

दिन वस्ल का यूँ कटा कहे तो
काटी है जुदाई की मगर रात

کل تھی شب وصل اک ادا پر
اس کی گئے ہوتے ہم تو مر رات

Kal thi shab-e-wasl ik adaa par
Uss ki gaye hote hum to mar raat

कल थी शब-ए-वस्ल इक अदा पर
उस की गए होते हम तो मर रात

جاگے تھے ہمارے بخت خفتہ
پہنچا تھا بہم وہ اپنے گھر رات

Jaage the hamaare bakht-e-khufta
Pahuncha tha baham woh apne ghar raat

जागे थे हमारे बख़्त-ए-ख़ुफ़्ता
पहुँचा था बहम वो अपने घर रात

کرنے لگا پشت چشم نازک
سوتے سے اٹھا جو چونک کر رات

Karne laga pusht-e-chashm-e-naazuk
Sote se utha jo chaunk kar raat

करने लगा पुश्त-ए-चश्म-ए-नाज़ुक
सोते से उठा जो चौंक कर रात

تھی صبح جو منہ کو کھول دیتا
ہر چند کہ تب تھی اک پہر رات

Thi subah jo munh ko khol deta
Har chand ke tab thi ik pehar raat

थी सुबह जो मुँह को खोल देता
हर चंद कि तब थी इक पहर रात

پر زلفوں میں منہ چھپا کے پوچھا
اب ہووے گی میرؔ کس قدر رات

Par zulfon mein munh chhupa ke poochha
Ab howe gi Mir kis qadar raat

पर ज़ुल्फ़ों में मुँह छुपा के पूछा
अब होवे गी मीरؔ किस क़दर रात